മയ്യിൽ :- കേരള സർക്കാരും പൊതുവിദ്യാഭ്യാസ വകുപ്പും ചേർന്ന് നടപ്പാക്കുന്ന സമഗ്ര ഗുണമേന്മാ വിദ്യാഭ്യാസ പദ്ധതിയുടെ സ്കൂൾ തല സമിതിയുടെ രൂപീകരണ യോഗം കയരളം നോർത്ത് എ.എൽ.പി സ്കൂളിൽ നടന്നു. ബി.ആർ.സി കോഡിനേറ്റർ സി.കെ രേഷ്മ പദ്ധതി വിശദീകരണം നടത്തി. പി ടി എ പ്രസിഡന്റ് ടി.പി പ്രശാന്ത് അധ്യക്ഷനായി.
കെ.പി കുഞ്ഞികൃഷ്ണൻ, സി.കുഞ്ഞിരാമൻ മാസ്റ്റർ എന്നിവർ സംസാരിച്ചു. പ്രധാനധ്യാപിക കെ.ശ്രീലേഖ ടീച്ചർ സ്വാഗതവും സ്റ്റാഫ് സെക്രട്ടറി വി.സി മുജീബ് മാസ്റ്റർ നന്ദിയും പറഞ്ഞു. ചെയർപേഴ്സണായി എ.പി സുചിത്രയേയും കൺവീനറായി കെ.ശ്രീലേഖ ടീച്ചറേയും തെരഞ്ഞെടുത്തു.
