ചേലേരി :- എസ് ഐ ഒ വളപട്ടണം ഏരിയ കമ്മിറ്റിയുടെ നേതൃത്വത്തിൽ 'പുസ്തകപ്പച്ച' എന്ന പേരിൽ നിർധനരായ 28 വിദ്യാർത്ഥികൾക്ക് സ്കൂൾ കിറ്റ് വിതരണം ചെയ്തു. പീപ്പിൾസ് ഫൗണ്ടേഷനുമായി സഹകരിച്ച് സംസ്ഥാന വ്യാപകമായി നടത്തുന്ന പദ്ധതിയുടെ ഭാഗമായാണ് സ്കൂൾ കിറ്റ് വിതരണം നടത്തിയത്.
വെൽയർ പാർട്ടി കണ്ണൂർ ജില്ലാ കമ്മിറ്റി അംഗം നൗഷാദ് മാസ്റ്റർക്ക് കിറ്റ് കൈമാറിക്കൊണ്ട് എസ് ഐ ഒ കണ്ണൂർ ജില്ലാ ജോയിൻ സെക്രട്ടറി ഹനാൻ സയ്ദ് ഉദ്ഘാടനം ചെയ്തു. വെൽയർ പാർട്ടി കൊളച്ചേരി പഞ്ചായത്ത്‌ സെക്രട്ടറി എം.വി മുഹമ്മദ്‌, ജമാഅത്തെ ഇസ്ലാമി ചേലേരി ഘടകം പ്രസിഡന്റ്‌ ടി.പി മുഹമ്മദ്‌, എസ് ഐ ഒ നേതാക്കളായ ഫസലുറഹ്മാൻ, ഹിസാനബ്നു ഹാരിസ് എന്നിവർ സംസാരിച്ചു. എസ് ഐ ഒ വളപട്ടണം ഏരിയ പ്രസിഡന്റ്‌ സഹൽ ബിൻ ലിയാഖത്ത് സ്വാഗതവും ഹസനുൽബന്ന നന്ദിയും പറഞ്ഞു.
