കണ്ണൂർ :- മൃഗസംരക്ഷണ വകുപ്പ് ജീവനക്കാരുടെ കൂട്ടായ്മയായ അറ്റന്റേഴ്സ് കൂട്ടായ്മയുടെ നേതൃത്വത്തിൽ വാർഷിക സംഗമവും വിരമിച്ചവർക്കുള്ള യാത്രയയപ്പും, SSLC +2 വിജയികൾക്കുള്ള അനുമോദനവും സംഘടിപ്പിച്ചു. കണ്ണൂർ സ്പോർട്സ് കൗൺസിൽ ഹാളിൽ നടന്ന പരിപാടി ജില്ലാ പഞ്ചായത്ത് വൈസ് പ്രസിഡണ്ട് ബിനോയ് കുര്യൻ ഉദ്ഘാടനം ചെയ്തു.
അറ്റന്റേഴ്സ് കൂട്ടായ്മ പ്രസിഡന്റ് സുധീർ മാണിക്കര അധ്യക്ഷത വഹിച്ചു. ജില്ലാ മൃഗസംരക്ഷണ ഓഫീസർ ഒ.എം അജിത മുഖ്യതിഥിയായി വി.പി രാജീവൻ, കെ.കെ അശോക് കുമാർ, നൗഷാദ് ചേരിക്കൽ, മനോജ് തലശ്ശേരി, ലക്ഷ്മണൻ കൊളച്ചേരി, റെജിലേഷ് ബാബു, വിനോദ് കുമാർ തുടങ്ങിയവർ സംസാരിച്ചു. വിരമിച്ചവർക്കുള്ള യാത്രയയപ്പും എസ്എസ്എൽസി, പ്ലസ് ടു വിജയിച്ചവർക്കുള്ള അനുമോദനവും നടത്തി.
