തിരുവനന്തപുരം :- കെഫോൺ ടീ ഷർട്ടണിഞ്ഞ 'ഫിബോ' എന്ന് പേരിട്ട കടുവ ഇനി കേരളത്തിൻ്റെ സ്വന്തം ഇൻ്റർനെറ്റായ കെഫോണിന്റെ ഭാഗ്യചിഹ്നം. കുട്ടിത്തം തുളുമ്പുന്ന ഫിബോയെ കെഫോണിന്റെ ഔദ്യോഗിക പേജുകളിലൂടെയാണ് അവതരിപ്പിച്ചത് . കെഫോൺ ജീവനക്കാരുടെ ഇടയിൽ നടത്തിയ മത്സരത്തിൽനിന്നാണ് 'ഫിബോ' എന്ന പേര് തെരഞ്ഞെടുത്തത്.
കെ ഫോൺ സേവനങ്ങളെ സംബന്ധിച്ചുള്ള യൂസർ ട്യൂട്ടോറിയൽ വീഡിയോകളിലും കെഫോണിൻ്റെ പരസ്യങ്ങളിലും 'ഫിബോ' പ്രത്യക്ഷപ്പെടും. കെഫോണിനെ കൂടുതൽ ജനകീയമാക്കാനും ഉപയോക്താക്കൾക്ക് സേവനങ്ങളെക്കുറിച്ച് അവബോധം നൽകാനും ലക്ഷ്യമിട്ടാണ് 'ഫിബോ'യെ അവതരിപ്പിച്ചതെന്ന് എംഡി ഡോ. സന്തോഷ് ബാബു പറഞ്ഞു.
