കണ്ണാടിപ്പറമ്പ് :- കണ്ണാടിപ്പറമ്പ് ദേശീയ മന്ദിരം വായനശാല ഗ്രന്ഥാലയത്തിന്റെയും മഹാത്മ സാംസ്കാരിക കേന്ദ്രത്തിന്റെയും സംയുക്താഭിമുഖ്യത്തിൽ സംഘടിപ്പിച്ച ഗാന്ധിജയന്തി ആഘോഷങ്ങൾ സമാപിച്ചു. മഹാത്മാ സാംസ്കാരിക കേന്ദ്രം പ്രസിഡണ്ട് എം.പി മോഹനാംഗന്റെ അധ്യക്ഷതയിൽ കെപിസിസി മെമ്പർ അമൃത രാമകൃഷ്ണൻ സമാപന സംഗമം ഉദ്ഘാടനം ചെയ്തു.
ഡിസിസി ജനറൽ സെക്രട്ടറി രജിത് നാറാത്ത് മുഖ്യപ്രഭാഷണം നടത്തി, വായനശാല പ്രസിഡന്റ് കെ പ്രശാന്ത് മാസ്റ്റർ ആമുഖഭാഷണം നടത്തി. ഗാന്ധിജയന്തി ആഘോഷത്തിന്റെ ഭാഗമായി കുട്ടികൾക്കായി നടത്തിയ ഓൺലൈൻ, മത്സരങ്ങളുടെ വിജയികൾക്കുള്ള സമ്മാനദാനവും നടത്തി. വായനശാല സെക്രട്ടറി എൻ ഇ ഭാസ്കരമാരാർ സ്വാഗതവും വായനശാല ജോയിന്റ് സെക്രട്ടറി ധനേഷ് സി.വി നന്ദിയും പറഞ്ഞു.
