നിർമിതബുദ്ധി (എഐ) ഉപയോഗിച്ചും മറ്റും ഡീപ്ഫെയ്ക്ക് പോലുള്ള കൃത്രിമ ഉള്ളടക്ക ങ്ങൾ സൃഷ്ടിച്ച് ഡിജിറ്റൽ മാധ്യമങ്ങളിൽ പ്രചരിപ്പിക്കുന്നത് തടയാൻ കരട് ചട്ടമുണ്ടാക്കി കേന്ദ്ര ഇലക്ട്രോണിക്സ്, ഐടി മന്ത്രാലയം. എഐ ഉപയോഗിച്ചോ അൽഗൊരിതത്തിൽ മാറ്റംവരുത്തിയോ സൃഷ്ടിക്കുന്ന ചിത്രങ്ങളും വീഡിയോകളും ഉൾപ്പെടെയുള്ള ഉള്ളടക്കങ്ങൾക്ക് ലേബലിങ് നിർബന്ധമാക്കും.
യഥാർഥമെന്നു തോന്നിക്കും വിധം കൃത്രിമമായി സൃഷ്ടിച്ചതാണെങ്കിൽ അക്കാര്യം ലേബലിങ്ങിലൂടെ വ്യക്തമാക്കിയിരിക്കണം. 2025-ലെ ഐടി (ഇടനിലക്കാർക്കുള്ള മാർഗരേഖയും ഡിജിറ്റൽ മാധ്യമ ധാർമികതാ കോഡും) ഭേദഗതിച്ചട്ടമാണ് പുറത്തിറക്കിയത്. 2021 ഫെബ്രുവരിയിലാണ് ഐടി ചട്ടങ്ങൾ ആദ്യം കൊണ്ടുവന്നത്. പിന്നീട് 2022 ഒക്ടോബറിലും 2023 ഏപ്രിലിലും ചട്ടത്തിൽ ഭേദഗതികൾ കൊ ണ്ടുവന്നു. കരട് ചട്ടങ്ങളിൽ നവംബർ ആറുവരെ അഭിപ്രായങ്ങളും നിർദേശങ്ങളും അറിയിക്കാം.
