ഇരിട്ടി:- തുടർ ചികിത്സയ്ക്കായി കോഴിക്കോട്ടേക്ക് പോവുകയായിരുന്ന പുന്നാട് സ്വദേശികൾ സഞ്ചരിച്ച കാറിൽ ലോറിയിടിച്ച് വീട്ടമ്മ മരിച്ചു.പുന്നാട് താവിലാകുറ്റി പാർവതി റാം നിവാസിൽ ഓമന (61) ആണ് മരിച്ചത്. വ്യാഴാഴ്ച രാവിലെ 6.30 ഓടെ ദേശീയ പാതയിൽ കൊയിലാണ്ടി പഴയ ആർടിഒ ഓഫീസിന് സമീപത്താണ് അപകടം.
കോഴിക്കോട് ബേബി മെമ്മോറിയൽ ഹോസ്പിറ്റലിൽ തുടർ ചികിത്സക്കായി ഓമനയും ഭർതൃസഹോദരി രമണി (55), ഇവരുടെ മകൻ സരിൻ (33) എന്നിവർ കാറിൽ പോകുമ്പോഴാണ് അപകടം.കാറിലുണ്ടായിരുന്ന മറ്റ് രണ്ട് പേരും പരുക്കുകളോടെ കോഴിക്കോട് സ്വകാര്യ ആശുപത്രിയിൽ ചികിത്സയിലാണ്.
ഭർത്താവ്: പന്നിയോടൻ ശ്രീധരൻ. മക്കൾ: ശ്രീജേഷ് (ബെംഗളൂരു) മഹിമ. മരുമക്കൾ: പ്രജീഷ് (എയർ ഫോഴ്‌സ്), ശ്രീലക്ഷ്മി (തൃശൂർ).
