കണ്ണാടിപ്പറമ്പ് :- കൊക്കിൽ വല കുരുങ്ങി അവശനിലയിലായ നീർക്കാക്കയ്ക്ക് രക്ഷകരായി മയ്യിൽ പോലീസ്. മയ്യിൽ പോലീസ് സ്റ്റേഷനിലെ എസ്ഐ മുഹമ്മദ് ഫൈറൂസും സീനിയർ സിപിഒ രഞ്ജിത്തും ചേർന്നാണ് കണ്ണാടിപ്പറമ്പിൽ നിന്നും നീർക്കാക്കയെ രക്ഷിച്ചത്.
കണ്ണാടിപ്പറമ്പ് ഭാഗത്ത് പട്രോളിങ്ങ് നടത്തുന്നതിനിടെയാണ് കൊക്കിൽ വല കുരുങ്ങി അവശനിലയിലായ നീർക്കാക്ക പോലീസുകാരുടെ ശ്രദ്ധയിൽപെട്ടത്. ഭക്ഷണം പോലും കഴിക്കാൻ കഴിയാതെ ബുദ്ധിമുട്ടിയ നീർക്കാക്കയെ ഇരുവരും ചേർന്ന് പിടികൂടുകയും കൊക്കിൽ കുരുങ്ങിയ വല അഴിച്ച് മാറ്റി നീർക്കാക്കയെ രക്ഷിക്കുകയായിരുന്നു.
