ഗുരുവായൂർ :- ഗുരുവായൂർ ക്ഷേത്രത്തിൽ ഏകാദശിദിവസം ദർശനത്തിന് വരിയിൽ നിൽക്കുന്നവർക്ക് മുൻഗണന നൽകുമെന്നും പ്രത്യേക ദർശനവും വിഐപിദർശനവും നിയന്ത്രിക്കുമെന്നും ദേവസ്വം അറിയിച്ചു. തിങ്കളാഴ്ചയാണ് ഗുരുവായൂർ ഏകാദശി. രാവിലെ അഞ്ചു മുതൽ വൈകുന്നേരം അഞ്ചുവരെയായിരിക്കും പ്രത്യേക ദർശനത്തിനുള്ള നിയന്ത്രണം. നെയ് വിളക്ക് ശീട്ടാക്കിയുള്ള പ്രത്യേക ദർശനവും അനുവദിക്കില്ല. എന്നാൽ, നെയ്‌വിളക്ക് നേരത്തേ ശീട്ടാക്കിയിട്ടുള്ളവരെ ഒഴിവാക്കില്ല.
അടിപ്രദക്ഷിണം, ശയന പ്രദക്ഷിണം, ചോറൂൺ കഴിഞ്ഞ കുട്ടികൾക്കുള്ള പ്രത്യേകദർശനം എന്നിവ ഉണ്ടാകില്ല. മുതിർന്ന പൗരൻമാർക്കും തദ്ദേശവാസികൾക്കുമുള്ള ദർശനം വെളുപ്പിന് മൂന്നര മുതൽ നാലര വരെയായിരിക്കും. സുപ്രീംകോടതിയുടെ ഇടക്കാല ഉത്തരവിൻ്റെ അടിസ്ഥാനത്തിൽ ഇക്കുറി ഏകാദശി ദിവസം ഉദയാസ്തമയപൂജ നടത്തുമെന്ന് ചെയർമാൻ വി.കെ വിജയൻ അറിയിച്ചു. അതുകൊണ്ട് ഭക്തർക്ക് ഇടവിട്ടുള്ള ദർശനമേ ലഭിക്കൂ. ഒരു ലക്ഷം പേർ ദർശനത്തിനെത്തു മെന്നാണ് ദേവസ്വം പ്രതീക്ഷിക്കുന്നതെന്നും ചെയർമാൻ പറഞ്ഞു.
പൊതുവരി കിഴക്കേനടയി ലെ പൂന്താനം ഹാളിൽനിന്നാരം ഭിക്കും. 40,000-ത്തോളം പേർ ക്ക് ഏകാദശിഭക്ഷണം നൽകും.
