മയ്യിൽ :- മുൻ മുഖ്യമന്ത്രി ലീഡർ കെ.കരുണാകരന്റെ പതിനഞ്ചാം ചരമദിനത്തോടനുബന്ധിച്ച് മയ്യിൽ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പുഷ്പാർച്ചനയും അനുസ്മരണവും നടത്തി. മണ്ഡലം കോൺഗ്രസ് കമ്മിറ്റി പ്രസിഡന്റ് സി.എച്ച് മൊയ്തീൻകുട്ടിയുടെ അധ്യക്ഷതയിൽ ചേർന്ന അനുസ്മരണ യോഗം ബ്ലോക്ക് കോൺഗ്രസ് കമ്മിറ്റി പ്രസിഡന്റ് കെ.പി ശശിധരൻ ഉദ്ഘാടനം ചെയ്തു.
ബ്ലോക്ക് കോൺഗ്രസ് കമ്മിറ്റി വൈസ് പ്രസിഡണ്ട് ശ്രീജേഷ് കൊയിലേരിയൻ, മണ്ഡലം വൈസ് പ്രസിഡന്റ് നാസർ കോർളായി, ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി എ.കെ ബാലകൃഷ്ണൻ, കുറ്റിയാട്ടൂർ പഞ്ചായത്ത് മെമ്പർ യൂസഫ് പാലക്കൽ, ബ്ലോക്ക് കോൺഗ്രസ് കമ്മിറ്റി മെമ്പർ മമ്മു കോർളായി തുടങ്ങിയവർ സംസാരിച്ചു. പ്രേമരാജൻ പുത്തലത്, ശ്രീലേഷ് കോട്ടയാട്, മൂസാൻ കുറ്റിയാട്ടൂർ, അഷറഫ് കോറളായി തുടങ്ങിയവർ നേതൃത്വം നൽകി.
