കൊളച്ചേരി:- 2026-27 വർഷത്തെ പരിയാരം ഗവൺമെന്റ് ഡെന്റൽ കോളേജ് യൂണിയൻ തെരഞ്ഞെടുപ്പിൽ ജനറൽ സെക്രട്ടറിയായി വിജയിച്ച ഷഹസാദ് കൊളച്ചേരിക്ക് എം.എസ്.എഫ് (MSF) കൊളച്ചേരി പഞ്ചായത്ത് കമ്മിറ്റിയുടെ നേതൃത്വത്തിൽ സ്വീകരണം നൽകി. കോളേജ് യൂണിയൻ ചരിത്രത്തിൽ ആദ്യമായാണ് എം.എസ്.എഫ് സഖ്യം ഭരണം നേടുന്നത്.
കൊളച്ചേരി പറമ്പിലുള്ള അദ്ദേഹത്തിന്റെ വസതിയിൽ വെച്ച് നടന്ന ചടങ്ങിൽ, എം.എസ്.എഫ് തളിപ്പറമ്പ് നിയോജക മണ്ഡലം ട്രഷറർ ആരിഫ് പാമ്പുരുത്തി സ്നേഹോപഹാരം കൈമാറി. എം.എസ്.എഫ് കൊളച്ചേരി പഞ്ചായത്ത് പ്രസിഡന്റ് റാസിം പാട്ടയം, ജനറൽ സെക്രട്ടറി ഹാദി ദാലിൽ എന്നിവർ ചേർന്ന് അദ്ദേഹത്തെ ഹാരമണിയിച്ചു.
ചടങ്ങിൽ എം.എസ്.എഫ് കൊളച്ചേരി പഞ്ചായത്ത് വൈസ് പ്രസിഡന്റ് ഷിബിലി കമ്പിൽ, റൈഹാൻ ഒ.സി, അമീൻ ആർ.എം, അർഷാദ് എൽ, ഫിറോസ് കായച്ചിറ തുടങ്ങിയവർ സംബന്ധിച്ചു.
