മയ്യിൽ:-വീട്ടിനകത്ത് അകപ്പെട്ട മയിലിനെ വനംവകുപ്പിന്റെ റെസ്ക്യൂ സംഘം രക്ഷപ്പെടുത്തി. മയ്യിൽ കയരളം മൊട്ട പൊയ്യൂർ റോഡിലെ ഗോപിയുടെ വീട്ടിൽ ഞായറാഴ്ച വൈകുന്നേരം നാലു മണിയോടെയായിരുന്നു സംഭവം.
വീടിനകത്ത് കയറിയ മയിലിന് പുറത്തേക്ക് പോകാനാവാതെ കുടുങ്ങുകയായിരുന്നു. ഭയം കാരണം വീട്ടുകാർ അടുത്തേക്ക് പോകാൻ മടിക്കുകയും ഉടൻ തന്നെ തളിപ്പറമ്പ് വനംവകുപ്പ് ഓഫീസിൽ വിവരമറിയിക്കുകയുമായിരുന്നു.
റേഞ്ച് ഓഫീസർ സനൂപ് കൃഷ്ണന്റെ നിർദേശപ്രകാരം 'മാർക്ക്', 'സർപ്പ' പദ്ധതികളുടെ വളണ്ടിയറായ റഷീദ് നണിച്ചേരി സ്ഥലത്തെത്തിയാണ് മയിലിനെ സുരക്ഷിതമായി പിടികൂടിയത്. തുടർന്ന് അതിനെ സ്വാഭാവിക ആവാസവ്യവസ്ഥയിലേക്ക് തുറന്നുവിട്ടു.
