പള്ളിപ്പറമ്പ്:-കഴിഞ്ഞ ദിവസം ജോലിക്കിടയിൽ മർദ്ദനമേറ്റ കൊളച്ചേരി കെ.എസ്.ഇ.ബി ജീവനക്കാരൻ കെ.പി. അബ്ദുൽ മുനീറിനെ കെ. സുധാകരൻ എം.പി. നേരിട്ട് സന്ദർശിച്ചു.
ഡ്യൂട്ടിക്കിടെ ആക്രമണത്തിന് ഇരയായ ജീവനക്കാരന്റെ ആരോഗ്യവിവരങ്ങൾ ആരാഞ്ഞ എം.പി, സംഭവത്തെ ശക്തമായി അപലപിച്ചു. ജീവനക്കാർക്ക് സുരക്ഷിതമായി ജോലി ചെയ്യാനുള്ള സാഹചര്യം ഒരുക്കണമെന്നും കുറ്റക്കാർക്കെതിരെ കർശന നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
