മയ്യിൽ സ്കൂൾ : കെട്ടിടങ്ങള്‍ പണിയാന്‍ മൂന്നു കോടി രൂപയുടെ പദ്ധതിക്ക്‌ അനുമതിയായി
മയ്യിൽ :- മയ്യിൽ ഹയർ സെക്കണ്ടറി സ്കൂള്‍ ഓഡിറ്റോറിയത്തോട് ചേര്‍ന്നുള്ള ഓടിട്ട രണ്ട് കെട്ടിടങ്ങള്‍ പൊളിച്ച് മൂന്നു നിലകളുള്ള ആധുനീക നിലവാരത്തിലുള്ള കെട്ടിടങ്ങള്‍ പണിയാന്‍ അനുമതിയായി.
ഇരുപത്തി അഞ്ചോളം ക്ലാസ് മുറികള്‍ ഇതില്‍ ഉണ്ടാകും. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സര്‍ക്കാര്‍ കിഫ്ബി വഴി അനുവദിച്ച മൂന്ന് കോടി രൂപയുടെ ഫണ്ട് ഉപയോഗിച്ച് കെട്ടിടം പണിയുന്നതോടെ 1958 ല്‍ നിര്‍മ്മിച്ച പഴയ കെട്ടിടങ്ങള്‍ വിസ്മൃതിയിലാകും.
ഇതിന്റെ ഭാഗമായി സമഗ്ര പ്ലാന്‍ തയ്യാറാക്കാനായി കിറ്റ്കോ പ്രതിനിധികള്‍ സ്കൂള്‍ സന്ദര്‍ശിച്ചു.
പഞ്ചായത്ത് പ്രസിഡണ്ട് ശ്രീ.പി.ബാലന്‍, യുവജന ക്ഷേമ ബോര്‍ഡ് അംഗം ശ്രീ .ബിജു കണ്ടക്കൈ, പി.ടി.എ.പ്രസിഡണ്ട് ശ്രീ.പി.പി.സുരേഷ്ബാബു, പ്രിന്‍സിപ്പാള്‍ ശ്രീ. എം.കെ.അനൂപ് കുമാര്‍, ഹെഡ്മാസ്റ്റര്‍ ശ്രീ.ടി.കെ.ഹരീന്ദ്രന്‍, സ്റ്റാഫ് സെക്രട്ടറി ശ്രീ.സി.സി വിനോദ് കുമാര്‍ എന്നിവര്‍ വികസന പ്രവര്‍ത്തനങ്ങളെ കുറിച്ച് ചര്‍ച്ച ചെയ്തു.
