കമ്പില്‍:എസ്.ഡി.പി. ഐ കമ്പില്‍-നാലാം പീടിക ബ്രാഞ്ച് കമ്മിറ്റികള്‍ സംയുക്തമായ നിര്‍മ്മിച്ചു നല്‍കുന്ന സ്നേഹഭവനത്തിന്‍റെ താക്കോല്‍ സമർപ്പണം നാളെ സംസ്ഥാന പ്രസിഡന്‍റ് പി. അബ്ദുല്‍ മജീദ് ഫൈസി നിര്‍വ്വഹിക്കും.
വര്‍ഷങ്ങളായി വീടില്ലാതെ കഷ്ടപ്പെടുന്ന കൊളച്ചേരി പൊങ്കുത്തയിലെ നിര്‍ധന കുടുംബത്തിനാണ് പാര്‍ട്ടി സ്നേഹഭവനം ഒരുക്കിയത്. പ്രദേശത്തെ നിരവധി പാര്‍ട്ടി പ്രവര്‍ത്തകരുടെ കഠിനാധ്വാനത്തിന്‍റെ ഫലമായാണ് നിര്‍ധന കുടുംബത്തിന് വീടെന്ന സ്വപ്നം സാക്ഷാല്‍കരിക്കാന്‍ സാധിച്ചത്.
നാളെ താക്കോല്‍ സമർപ്പണ ചടങ്ങിന് എസ്.ഡി.പി. ഐ കൊളച്ചേരി പഞ്ചായത്ത് സെക്രട്ടറി എം. ഷൗക്കത്ത് സ്വാഗതം പറയും. പഞ്ചായത്ത് കമ്മിറ്റി പ്രസിഡന്‍റ് മുസമ്മില്‍ അദ്ധ്യക്ഷത വഹിക്കും. എസ്.ഡി.പി. ഐ കണ്ണൂര്‍ ജില്ല പ്രസിഡന്‍റ് എ.സി ജലാലുദ്ധീന്‍, ജനറൽ സെക്രട്ടറി ബഷീര്‍ കാണ്ണാടിപ്പറമ്പ, ജില്ലാ സെക്രട്ടറി മുസ്തഫ നാറാത്ത്, എസ്.ഡി.പി. ഐ അഴീക്കോട് മണ്ഡലം പ്രസിഡന്‍റ് അബ്ദുല്ല നാറാത്ത്,
തളിപ്പറമ്പ് മണ്ഡലം സെക്രട്ടറി മുഹമ്മദലി, പന്ന്യങ്കണ്ടി ജുമാ മസ്ജിദ് ഖത്തീബ് സഹീദ് സഅദി അസ്ഹരി, പോപുലര്‍ ഫ്രണ്ട് മയ്യില്‍ ഡിവിഷന്‍ പ്രസിഡന്‍റ് ശിഹാബ് നാറാത്ത്, പോപുലര്‍ ഫ്രണ്ട് കമ്പില്‍ ഏരിയ പ്രസിഡന്‍റ് ഷാഫി മയ്യില്‍, എസ്.ഡി.പി. ഐ കമ്പില്‍ ബ്രാഞ്ച് പ്രസിഡന്‍റ് മൂസാന്‍ കമ്പില്‍ തുടങ്ങിയവര്‍ സംബന്ധിക്കുമെന്ന് എസ്.ഡി.പി. ഐ കൊളച്ചേരി പഞ്ചായത്ത് ഭാരവാഹികള്‍ വാര്‍ത്താ കുറിപ്പില്‍ അറിയിച്ചു.
