തളിപ്പറമ്പ് :- സുസ്ഥിര വിദ്യാഭ്യാസം സുരക്ഷിത സമൂഹം എന്ന പ്രമേയത്തില്‍ മാര്‍ച്ച് 20 ന് അല്‍മഖര്‍ ദാറുല്‍ അമാന്‍ കാമ്പസില്‍ നടക്കുന്ന അല്‍മഖര്‍ 33ാം വാര്‍ഷിക സമ്മേളനത്തിന്‍റെ ഭാഗമായി കൻസുൽ ഉലമാ അവാർഡ് ദാനവും ഗ്രാന്റ് ബദ്ർ മൗലിദ് സദസ്സും ഫെബ്രുവരി 26 ന് രാവിലെ പത്ത് മണിക്ക് നാടുകാണി അമാനീസ് ഓഡിറ്റോറിയത്തില്‍ വെച്ച് നടക്കും.
അല്‍മഖര്‍ അബൂദാബി കമ്മിറ്റിക്ക് കീഴില്‍ നേരത്തെ നടന്ന് വരുന്ന ബദര്‍ മൗലിദ് സദസ്സിന്‍റെ 33ാം വാര്‍ഷികമായാണ് ഗ്രാന്റ് ബദര്‍ മൗലിദ് സംഘടിപ്പിക്കുന്നത്.ചടങ്ങില്‍ മൂന്ന് പതിറ്റാണ്ടായി പ്രവാസ ലോകത്ത് സുന്നി പ്രസ്ഥാനത്തിനും അല്‍മഖറിനും നേതൃത്വം നല്‍കി നിരവധി സേവന പ്രവര്‍ത്തനങ്ങള്‍ കാഴ്ച്ച വെച്ച ഖാദിമുല്‍ ഉലമ മുസ്ഥഫ ദാരിമി കടാങ്കോടിന് കന്‍സുല്‍ ഉലമ ഫൗണ്ടേഷന്‍ അബൂദാബി കമ്മിറ്റി നല്‍കുന്ന കന്‍സുല്‍ ഉലമ പുരസ്ക്കാരവും കൈമാറും.സയ്യിദ് മുഹമ്മദ്‌ ആറ്റക്കോയ അൽബുഖാരിയുടെ നേതൃത്വത്തില്‍ ആരംഭിക്കുന്ന കന്‍സുല്‍ ഉലമ മഖാം സിയാറത്തോടെ പരിപാടികള്‍ക്ക് തുടക്കമാവും.
തുടര്‍ന്ന് സമസ്ത കേന്ദ്ര മുശാവറ അംഗം എം. വി അബ്ദു റഹ്മാൻ ബാഖവി പരിയാരം പ്രാരംഭ പ്രാര്‍ത്ഥനക്ക് നേതൃത്വം നല്‍കും.പി.കെ.ഉമര്‍ മുസ്ല്യാര്‍ നരിക്കോട് ആമുഖ പ്രഭാഷണം നടത്തും.ബദ്ർ മൗലിദ് പാരായണത്തിന് സയ്യിദ് സുഹൈൽ അസ്സഖാഫ് മടക്കര,സയ്യിദ് സഅദുദ്ധീൻ തങ്ങൾ വളപട്ടണം ,സയ്യിദ് ജലാലുദ്ധീൻ അൽ ബുഖാരി,
സയ്യിദ് ജുനൈദ് അൽ ബുഖാരി,സയ്യിദ് സഅദ് തങ്ങൾ ഇരിക്കൂർ,സയ്യിദ് ഫസൽ തങ്ങൾ തളിപ്പറമ്പ,സയ്യിദ് മശ്ഹൂർ ഇമ്പിച്ചി തങ്ങൾ വളപട്ടണം,സയ്യിദ് മുഹമ്മദ്‌ ശാഫി ബാഅലവി,സയ്യിദ് ശിഹാബുദ്ധീൻ ഇമ്പിച്ചിക്കോയ അൽഐദറൂസി അമാനി ,സയ്യിദ് ഹദ്ധാദ് തങ്ങൾ അമാനി വളപട്ടണംതുടങ്ങിയ സാദാത്തുക്കള്‍ നേതൃത്വം നല്‍കും.
ബദ്ർ മൗലിദ് സമാപന പ്രാര്‍ത്ഥനക്ക് സമസ്ത വൈസ് പ്രസിഡണ്ട് സയ്യിദ് അലി ബാഫഖി തങ്ങൾ നേതൃത്വം നല്‍കും.തുടര്‍ന്ന് നടക്കുന്ന കന്‍സുല്‍ ഉലമ പുരസ്കാര സമർപ്പണം അല്‍മഖര്‍ വര്‍ക്കിംഗ് പ്രസിഡണ്ട് കെ.പി. അബൂബക്ർ മുസ്‌ലിയാരുടെ അദ്ധ്യക്ഷത വഹിക്കും.
കന്‍സുല്‍ ഉലമ പുരസ്ക്കാരം മുസ്ഥഫ ദാരിമി കടാങ്കോടിന് സയ്യിദ് ഇബ്രാഹിം ഖലീല്‍ ബുഖാരി കടലുണ്ടി കൈമാറും.സയ്യിദ് മുഹമ്മദ്‌ തുറാബ് അസ്സഖാഫ് പ്രഭാഷണം നടത്തും.ബനിയാസ് സ്പെയ്ക്ക് ഗ്രൂപ്പ് മാനേജിംഗ് ഡയറക്ടര്‍ അബ്ദുറഹ്‌മാന്‍ ഹാജി കുറ്റൂര്‍ മുഖ്യാതിഥിയാവും.അബ്ദുൽ ഗഫൂർ ബാഖവി അൽകാമിലി,വി.പി.എം ഫൈസി വില്ല്യാപള്ളി ,പ്രൊഫ. യു.സി അബ്ദുൽ മജീദ്,കൂറ്റമ്പാറ അബ്ദു റഹ്മാൻ ദാരിമി,പി.പി.എ കുട്ടി ദാരിമി,
പി.കെ അലിക്കുഞ്ഞി ദാരിമി,പി.പി. അബ്ദുൽ ഹകീം സഅദി,എം.കെ ഹാമിദ് മാസ്റ്റർ ചൊവ്വ,പി.എ.കെ മുഴപ്പാല ,ആർ. പി ഹുസൈൻ മാസ്റ്റർ ഇരിക്കൂർ,അബ്ദുല്ലക്കുട്ടി ബാഖവി,കെ.പി കമാലുദ്ധീൻ മൗലവി,കെ. അബ്ദു റഷീദ് ദാരിമി,മുഹമ്മദ്‌ അനസ് അമാനി തളിപ്പറമ്പ്,കെ.വി.അബ്ദുറഹ്‌മാന്‍ ഹാജി മാട്ടൂല്‍ തുടങ്ങിയവര്‍ ആശംസ പ്രഭാഷണം നടത്തും.കണ്ണൂര്‍ ജില്ല സുന്നീ പ്രസ്ഥാന നേതാക്കള്‍ സന്നിഹിതരാവും.
ബദ്‌ര്‍ മൗലിദ് സദസ്സിന്ന് മൂന്ന് പതിറ്റാണ്ട് കാലം നേതൃത്വം നല്‍കിയ പി.കെ.ഉമര്‍ മുസ്ല്യാര്‍ നരിക്കോടിന് സദസ്സില്‍ ആദരവ് നല്‍കും.കെ.അബ്ദുറഷീദ് നരിക്കോട് സ്വാഗതവും നാസർ ഹാജി കുപ്പം നന്ദിയും പറയും.തളിപ്പറമ്പ് പ്രസ് ക്ലബില്‍ നടന്ന വാര്‍ത്ത സമ്മേളനത്തില്‍ കെ.അബ്ദുറഷീദ് നരിക്കോട് കെ.പി.അബ്ദുല്‍ജബ്ബാര്‍ ഹാജി,പി.കെ.ഉമര്‍ മുസ്ല്യാര്‍ നരിക്കോട്,നാസര്‍ ഹാജി കുപ്പംവി.പി.ശുഐബ് അമാനി കയരളം തുടങ്ങിയവര്‍ പങ്കെടുത്തു.
