അലവിൽ:-ഓപ്പറേഷൻ കഴിഞ്ഞു. പക്ഷെ കരൾ സ്വീകരിക്കാതെ തീർത്ഥ മോൾ നാടിനെ കണ്ണീരിലാഴ്ത്തി മടങ്ങി.കരളിന് ഗുരുതര മായ രോഗം ബാധിച്ചു കൊച്ചി അമൃത ആശുപത്രിയിൽ ചികിത്സയിൽ ആയിരുന്ന കണ്ണൂർ അലവിൽ നിച്ചുവയൽ സ്വദേശിതറച്ചാണ്ടി ഹൌസിൽ തീർത്ഥസുമേഷ് (19) ആണ് വിട പറഞ്ഞത്.
ഈ മാസം 8ന് കരൾ മാറ്റ ശസ്ത്രക്രിയക്ക് വിധേയമാക്കിയിരുന്നു. ഒരാഴ്ചക്ക് ശേഷം പെട്ടെന്ന് ശാരീരിക സ്ഥിതി മാറുകയും മരണം സംഭവിക്കുകയും ചെയ്തു. നിയന്ത്രിക്കാൻ പറ്റാത്ത ന്യൂനരക്ത സമ്മർദ്ദവും,തന്മൂലമുള്ള രക്തം കട്ട പിടിക്കലുമാണ് മരണ കാരണം എന്ന് ചികിത്സക്ക് നേതൃത്വം കൊടുത്ത ഡോക്ടർമാർ പറഞ്ഞു.
കണ്ണൂർ ചിന്മയ മിഷൻ കോളേജ് ബി കോം വിദ്യാർത്ഥി നിയാണ്. തറച്ചാണ്ടി സുമേഷ് - രമ്യ ദമ്പതികളുടെ മകളാണ്. സഹോദരൻ : റിതിൻ . കണ്ണൂർ എംപി കെ സുധാകരന്റെ യും, അഴീക്കോട് എംഎൽഎ കെ.വി. സുമേഷിന്റെയും നേതൃത്വത്തിൽ രൂപീകരിച്ച ചികിത്സ സഹായ കമ്മിറ്റി യാണ് ചികിത്സക്ക് ആവശ്യമായ സാമ്പത്തിക സഹായം നൽകിയത്.
