പരിയാരം : മെഡിക്കൽ കോളേജിലേക്ക് എസ്.വൈ.എസ് അബുദാബി കണ്ണൂർ ജില്ലാ കമ്മറ്റി സ്പോൺസർ ചെയ്ത പത്ത് വീൽചെയറുകൾ പരിയാരം മെഡിക്കൽ കോളജിന് കൈമാറി. പരിയാരം മെഡിക്കൽ കോളജിൽ നടന്ന പരിപാടിയിൽ ഐ.സി.എഫ് പ്രസിഡണ്ട് മുസ്തഫ ദാരിമി കടാങ്കോടിൽ നിന്നും മെഡിക്കൽ കോളജ് സൂപ്രണ്ട് ഡോ: കെ,സുദീപ് ഏറ്റുവാങ്ങി. പരിയാരം മെഡിക്കൽ കോളേജിൽ കൊറോണ അടക്കമുള്ള പ്രതിസന്ധിഘട്ടങ്ങളിൽ എസ് വൈ എസ് സാന്ത്വനം പ്രവർത്തകർ മികച്ച സേവനങ്ങളാണ് നടത്തിയത്.സാന്ത്വന സേവന രംഗത്ത് ഇത് ഏറ്റവും നല്ല മാതൃകയാണെന്നും ചടങ്ങിൽ സംസാരിച്ച സൂപ്രണ്ട് ഡോ: കെ സുദീപ് പറഞ്ഞു.
എസ് വൈ എസ് ജില്ലാ ജനറൽ സെക്രട്ടറി അബ്ദുൽ റഷീദ് മാസ്റ്റർ നരിക്കോട് അദ്ധ്യക്ഷത വഹിച്ചു. ഏ.പി.അബ്ദുൾ സലാം ഹാജി പാപ്പിനിശ്ശേരി . എം.വി. നാസർ ഹാജി കുപ്പം ,അമീർ പഴയങ്ങാടി , അഷ്റഫ് ഹാജി എളമ്പേരംപാറ ,മുഹമ്മദ് കണ്ണപുരം,
പി അബ്ദുറസാഖ് സൈനി ,അഷ്റഫ് പാലക്കോട്,ഷാഫി പട്ടുവം, മുനീർ പുഴാതി, മുസ്ഥഫ ഹാജി ചൂട്ടാട്, മഹ്മൂദ് ഹാജിമാട്ടൂൽ, ഗഫൂർ ഹാജി മുട്ടം മെഡിക്കൽ കോളേജിലെ ഡെപ്യൂട്ടി സൂപ്രണ്ട് ഡോ. ബി.ടി. മനോജ് ,കാഷ്വാലിറ്റി ഡെപ്യൂട്ടി സൂപ്രണ്ട് ഡോ. വിമൽ റോഹൻ, ആർ.എം.ഒ. ഡോ. സരിൻ , നഴ്സിങ്ങ് സുപ്രണ്ടുമാരായ ഗീത. എമിലി എന്നിവർ പങ്കെടുത്തു. എസ് വൈ എസ് ജില്ലാ സാന്ത്വനം സെക്രട്ടറി മുഹമ്മദ് റഫീഖ് അമാനി തട്ടുമ്മൽ സ്വാഗതവും ഓർഗനൈസിംഗ് സെക്രട്ടറി സമീർ ചെറുകുന്ന് നന്ദിയും പറഞ്ഞു
