തളിപ്പറമ്പ്:- കെ.എസ്.ആർ.ടി.സി സ്വിഫ്റ്റ് ബസും ബൈക്കും കൂട്ടിയിടിച്ച് മെഡിക്കൽ വിദ്യാർത്ഥി മരിച്ചു. തളിപ്പറമ്പ് സയ്യിദ് നഗറിലെ ഷെരീഫാസിൽ മിക്സലു റഹ്മാൻ(22) ആണ് മരണപ്പെട്ടത്.
ദേശീയപാതയിൽ തളിപ്പറമ്പ് ഏഴാംമൈലിൽ ഇന്ന് രാവിലെ നാല് മണിക്കായിരുന്നു അപകടം. പാലക്കാട് നിന്നും മംഗാലാപുരത്തേക്ക് പോകുന്ന സ്വിഫ്റ്റ് ബസും ,മിക്സലു റഹ്മാൻ സഞ്ചരിച്ച ബൈക്കും തമ്മിൽ കൂട്ടിയിടിക്കുകയായിരുന്നു. പരിയാരം കണ്ണൂർ ഗവ.മെഡിക്കൽ കോളേജിലെ എം.ബി.ബി.എസ്.വിദ്യാർത്ഥിയാണ്.
മികച്ച ഫുട്ബോൾ കളിക്കാരനായ മിക്സലു റഹ്മാൻ കോഴിക്കോട് ഇന്ന് രാവിലെ നടക്കുന്ന യൂണിവേഴ്സിറ്റി ഫുട്ബോൾ ടീമിന്റെ സെലക്ഷനിൽ പങ്കെടുക്കാനായി ട്രെയിനിൽ പോകാൻ കണ്ണൂരിലേക്ക് പോകുകയായിരുന്നു. മസ്ക്കറ്റിൽ ജോലി ചെയ്യുന്ന ഫസൽ റഹ്മാൻ- മുംതാസ് ദമ്പതികളുടെ മകനാണ്. റബീഹ്, ഇസാൻ, ഷൻസ എന്നിവർ സഹോദരങ്ങളാണ്.
