ചേലേരി : പ്രഭാത് വായശാല & ഗ്രന്ഥാലയത്തിന്റെയും ചേലേരി എ.യു.പി സ്കൂളിന്റെയും സംയുക്താഭിമുഖ്യത്തിൽ സംഘടിപ്പിച്ച വായന പക്ഷാചരണം കവിയും എഴുത്തുകാരുമായ വിനോദ് കെ.നമ്പ്രം ഉദ്ഘാടനം ചെയ്തു. പി.ടി.എ പ്രസിഡണ്ട് മനോജ്. ഒ അധ്യക്ഷത വഹിച്ചു.
വായന ദിനാചരണത്തിന്റെ ഭാഗമായി നടന്ന പരിപാടിയിൽ പുസ്തക പ്രദർശനം, വായന പ്രതിജ്ഞ, വായനദിന സന്ദേശം നൽകൽ തുടങ്ങിയ പരിപാടികൾ നടന്നു. അമ്മവായന, വായന കുറിപ്പുകൾ തയ്യാറാക്കൽ, വായനശാല സന്ദർശനം, എഴുത്തുകാരുടെ അനുസ്മരണങ്ങൾ, വായന മത്സരം തുടങ്ങി വിവിധ പരിപാടികൾ വായന പക്ഷാചരണത്തിന്റെ ഭാഗമായി നടക്കും.
ചടങ്ങിൽ വായനശാല സെക്രട്ടറി പി.വിനോദ് , HM അജിത ടീച്ചർ, സുധാദേവി ടീച്ചർ, പ്രീത ടീച്ചർ എന്നിവർ സംസാരിച്ചു.
