കൊളച്ചേരി : SSF കൊളച്ചേരി സെക്ടർ സാഹിത്യോത്സവ് ജൂലൈ 1,2 തീയതികളിലായി പന്ന്യങ്കണ്ടി മർഹൂം പി. പി അബു നഗറിൽ വെച്ച് നടക്കും. 10 യൂണിറ്റുകളിൽ നിന്നും 150 ഓളം മത്സരാർത്ഥികൾ 120 ഓളം മത്സര ഇനങ്ങളിൽ 7 വേദികളിലായി മാറ്റുരക്കും.
ജൂലൈ 1 ശനിയാഴ്ച വൈകുന്നേരം 7 മണിക്ക് യുവ സാഹിത്യകാരൻ ഇയാസ് അലി നൂറാനി സാംസ്കാരിക സമ്മേളനം ഉദ്ഘാടനം ചെയ്യും. SSF കണ്ണൂർ ജില്ലാ ജനറൽ സെക്രട്ടറി സൈഫുദ്ധീൻ ടി.പി പ്രമേയ ഭാഷണം നടത്തും. തുടർന്ന് പ്രഗത്ഭ പണ്ഡിതൻ യു.കെ ബഷീർ സഅദി നുച്യാട് ആത്മീയ സമ്മേളനത്തിന് നേതൃത്വം നൽകും.
ജൂലൈ 2 ഞായറാഴ്ച വൈകുന്നേരം 7 മണിക്ക് സമാപന സെഷൻ കൊളച്ചേരി ഗ്രാമപഞ്ചായത്ത്‌ പ്രസിഡന്റ് കെ.പി അബ്ദുൾ മജീദ് ഉദ്ഘാടനം ചെയ്യും. പാലത്തുങ്കര തങ്ങൾ എം.മുഹമ്മദ്‌ സഅദി കൊളച്ചേരി സെക്ടർ സാഹിത്യോത്സവ് ജേതാക്കൾക്കുള്ള ട്രോഫി കൈമാറും. KMJ, SYS, SSF സോൺ, സർക്കിൾ, ഡിവിഷൻ നേതാക്കൾ തുടങ്ങിയവർ പങ്കെടുക്കും.
തുടർന്ന് സയ്യിദ് ത്വാഹ തങ്ങൾ പൂക്കോട്ടൂരും സംഘവും ഇശൽ വിരുന്ന് അവതരിപ്പിക്കും.
