കൊളച്ചേരി :- കൊളച്ചേരി ഉദയ ജ്യോതി സ്വയം സഹായ സംഘം & വിജ്ഞാന വീഥിയുടെ ആഭിമുഖ്യത്തിൽ ചാന്ദ്രദിനത്തോടനുബന്ധിച്ച് ബഹിരാകാശ മൾട്ടിമീഡിയ ക്വിസ് മത്സരവും ചാന്ദ്രയാൻ - 3 ഉം ബഹിരാകാശവും എന്ന വിഷയത്തിൽ മൾട്ടിമീഡിയ പ്ലാറ്റ്ഫോമിൽ ക്ലാസും സംഘടിപ്പിച്ചു.
മുല്ലക്കൊടി മാപ്പിള എ എൽ പി സ്കൂൾ മുൻ പ്രധാനാധ്യാപകനും വിജ്ഞാന വീഥി കോ ഓർഡിനേറ്ററുമായ സി കെ സുരേഷ് ബാബു മാസ്റ്റർ ക്ലാസിനും ക്വിസ് മത്സരം നടത്തുന്നതിനും നേതൃത്വം നൽകി.
ക്വിസ് മത്സരത്തിൽ LP വിഭാഗത്തിൽ നിത്യ ശ്രീയും ആർജവ് കൃഷ്ണയും ഒന്നും രണ്ടും സ്ഥാനങ്ങൾ കരസ്ഥമാക്കി.UP വിഭാഗത്തിൽ ശ്യാംദേവ് എം ഹരീഷും ,സിയോന ജനീഷും HS വിഭാഗത്തിൽ അമർനാഥ് ജി എസ്സും,ആദിഷ് റാമും Open to All വിഭാഗത്തിൽ എം ആവണിയും ഷീജ എ കെ യും ഒന്നും രണ്ടും സ്ഥാനങ്ങൾ നേടി വിജയികളായി.
തുടർന്ന് നടന്ന സമ്മാനദാന ചടങ്ങിന് സംഘം പ്രസിഡൻ്റ് അഡ്വ.സി ഒ ഹരീഷ് അധ്യക്ഷത വഹിച്ചു. വി പി പവിത്രൻ, സുരേഷ് കുമാർ, സി ഒ മോഹനൻ എന്നിവർ പരിപാടികൾക്ക് നേതൃത്വം നൽകി.
