ചട്ടുകപ്പാറ :- ആഗസ്ത് 12,13 തീയ്യതികളിൽ മയ്യിൽ വെച്ച് നടക്കുന്ന പുരോഗമന കലാസാഹിത്യസംഘം ജില്ലാ സമ്മേളനത്തിൻ്റെ ഭാഗമായി വേശാല യൂണിറ്റിൻ്റെ ആഭിമുഖ്യത്തിൽ "മഴവില്ല് "സാംസ്കാരിക സായാഹ്നം സംഘടിപ്പിച്ചു. പു.ക.സ മയ്യിൽ മേഖലാ സെക്രട്ടറി എ.അശോകൻ ഉദ്ഘാടനം ചെയ്തു. വേശാല യൂണിറ്റ് പ്രസിഡണ്ട് കണിയാരത്ത് മുരളി അദ്ധ്യക്ഷത വഹിച്ചു. CPI(M) മയ്യിൽ ഏരിയ സെക്രട്ടറി എൻ.അനിൽകുമാർ, വേശാല ലോക്കൽ സെക്രട്ടറി കെ. പ്രിയേഷ് കുമാർ, ലോക്കൽ കമ്മറ്റി അംഗം കെ.നാണു എന്നിവർ സംസാരിച്ചു. പു.ക. സ യൂണിറ്റ് സെക്രട്ടറി വിനോദ് വേശാല സ്വാഗതം പറഞ്ഞു.
ചിത്രരചനാ മത്സരം, വിനോദ് വേശാല നിർമ്മിച്ച ശിൽപ്പങ്ങൾ, പ്രജില ദിനേശൻ്റെ ജലച്ഛായ ചിത്രങ്ങൾ, സി.രാധയുടെ കടലാസ് കൊണ്ടുള്ള പുഷ്പങ്ങൾ എന്നിവയുടെ പ്രദർശനവും കെ.ഗണേഷ്കുമാർ സംവിധാനം ചെയ്ത ലഘു നാടകവും മറ്റു കലാപരിപാടികളും അരങ്ങേറി.
