മയ്യിൽ :- വേളം പൊതുജന വായനശാല, യുവജന കലാസമിതി, ശക്തി സ്പോർട്സ് ക്ലബ്‌, വനിതാ വേദി, ബാലവേദി, യുവജന വേദി എന്നിവയുടെ സംയുക്ത ആഭിമുഖ്യത്തിലുള്ള ഓണാഘോഷ പരിപാടിയുടെ ഉദ്ഘാടനം ചെയ്തു. നാടക, സിനിമാ സംവിധായകൻ ജിജു ഒറപ്പടി ഉദ്ഘാടനം നിർവഹിച്ചു. സംഘാടകസമിതി ചെയർമാൻ കെ മനോഹരൻ അധ്യക്ഷത വഹിച്ചു. അത്തം മുതൽ തിരുവോണദിവസം വരെ എല്ലാ ദിവസവും വിവിധ കലാ കായിക,സാഹിത്യ മത്സരം നടക്കും.
ചടങ്ങിൽ കൺവീനർ യു. മഹേഷ്‌ സ്വാഗതവും ജോയിന്റ് കൺവീനർ കെ. സുനീഷ് നന്ദിയും പറഞ്ഞു.
