കണ്ണൂർ :- സംസ്ഥാനത്തെ 6 ജില്ലകളിലെ കലക്ടർമാരെ മാറ്റി. കണ്ണൂർ, കോഴിക്കോട്, മലപ്പുറം, ആലപ്പുഴ, പത്തനംതിട്ട, കൊല്ലം എന്നീ ജില്ലകളിലെ കലക്ടർമാരെയാണ് മാറ്റിയത്.
അരുൺ കെ വിജയനെ കണ്ണൂർ കലക്ടറായും സ്നേഹജ് കുമാറിനെ കോഴിക്കോട് കലക്ടറായും നിയമിച്ചു. കൊല്ലം കലക്ടർ അഫ്സാന പർവീണിനെ ഭക്ഷ്യസുരക്ഷാ കമ്മീഷണർ ആയി നിയമിച്ചു. എൽ. ദേവിദാസ് ആണ് കൊല്ലത്തെ പുതിയ കലക്ടർ. പത്തനംതിട്ട കലക്ടർ ദിവ്യ എസ് അയ്യരെ വിഴിഞ്ഞം എംഡിയായി നിയമിച്ചു. എ.ഷിബുവാണ് പുതിയ പത്തനംതിട്ട കലക്ടർ.
ആലപ്പുഴ കലക്ടർ ഹരിത വി. കുമാറിനെ മൈനിംഗ് ആന്റ് ജിയോളജി ഡയറക്ടർ ആയി നിയമിച്ചു. ജോൺ വി സാമുവൽ ആണ് പുതിയ ആലപ്പുഴ ജില്ലാ കലക്ടർ. മലപ്പുറം ജില്ലാ കലക്ടറായ വി.ആർ. പ്രേംകുമാറിനെ പഞ്ചായത്ത് ഡയറക്ടറായി നിയമിച്ചു. വി.ആർ. വിനോദ് ആണ് മലപ്പുറത്തിന്റെ പുതിയ കലക്ടർ.
