കണ്ണൂർ :- കണ്ണൂർ നോർത്ത് സബ് ജില്ലാ കലോത്സവം സമാപിച്ചു. 187 പോയിൻ്റ് നേടി സെന്റ് തെരേസാസ് ആംഗ്ലോ ഇന്ത്യൻ ഹയർസെക്കൻഡറി സ്കൂൾ ഹയർസെക്കൻഡറി വിഭാഗം ഓവറോൾ ചാമ്പ്യന്മാരായി. നവംബർ 13 മുതൽ 16 വരെ നാലു ദിവസങ്ങളിലായി കണ്ണൂർ സ്പോർട്സ് സ്കൂളിൽ നടന്ന കലോത്സവത്തിൽ മുന്നൂറോളം ഇനങ്ങളിലായി ആയിരക്കണക്കിന് കുട്ടികളാണ് മാറ്റുരച്ചത്.
ഹൈസ്കൂൾ വിഭാഗത്തിൽ 217 സി. എച്ച് .എം എച്ച്.എസ്.എസ്. എളയാവൂർ ഒന്നാം സ്ഥാനം കരസ്ഥമാക്കി. 216 പോയിൻറ് നേടി സെൻറ് തെരേസാസ് ആംഗ്ലോ ഇന്ത്യൻ ഹയർസെക്കൻഡറി സ്കൂൾ രണ്ടാം സ്ഥാനം കരസ്ഥമാക്കി. 215 പോയിൻറ് നേടി ചെമ്പിലോട് എച്ച്.എസ്. എസ് തലവിൽ മൂന്നാം സ്ഥാനം കരസ്ഥമാക്കി.
യു.പി വിഭാഗത്തിൽ 80 പോയിൻറ് നേടി വാരം യു.പി സ്കൂൾ ഒന്നാം സ്ഥാനം കരസ്ഥമാക്കി. 78 പോയിന്റ് നേടി മുണ്ടേരി സെൻട്രൽ യു. പി സ്കൂൾ, ഗവൺമെൻറ് തളാപ്പ് മിക്സഡ് യു.പി സ്കൂൾ, സെൻറ് തെരേസാസ് ആംഗ്ലോ ഇന്ത്യൻ ഹയർ സെക്കൻഡറി സ്കൂൾ എന്നീ വിദ്യാലയങ്ങൾ രണ്ടാം സ്ഥാനം കരസ്ഥമാക്കി.76 പോയിന്റ് നേടി ശങ്കരവിലാസം യു.പി സ്കൂൾ കാഞ്ഞിരോട്, ധർമ്മസമാജം യു.പി സ്കൂൾ എന്നീ വിദ്യാലയങ്ങൾ മൂന്നാം സ്ഥാനം കരസ്ഥമാക്കി.
എൽ പി വിഭാഗത്തിൽ 65 പോയിൻറ് നേടി കടലായി സൗത്ത് യു.പി സ്കൂൾ, സെൻറ് തെരേസാസ് ടി.ടി.ഐ കണ്ണൂർ, വാരം യു.പി സ്കൂൾ, മൗവഞ്ചേരി യു.പി സ്കൂൾ, സെൻറ് പീറ്റേഴ്സ് എൽ.പി സ്കൂൾ കണ്ണൂർ, ശങ്കര വിലാസം യു.പി സ്കൂൾ കാഞ്ഞിരോട് എന്നീ സ്കൂളുകൾ ഒന്നാംസ്ഥാനം കരസ്തമാക്കി. 63 പോയിൻറ് നേടി. നാല് സ്കൂളുകൾ രണ്ടാം സ്ഥാനം കരസ്ഥമാക്കി. കുറുവാ യു.പി സ്കൂൾ, ഗവൺമെൻറ് തളാപ്പ് മിക്സഡ് യു.പി സ്കൂൾ, മുതുകുറ്റി യു.പി സ്കൂൾ, ജി.വി.എച്ച്.എസ്.എസ് ഫോർ ഗേൾസ് കണ്ണൂർ .
നവംബർ 16 ന് നടന്ന സമാപന സമ്മേളനം കോർപ്പറേഷൻ കൗൺസിലർ പി.കെ അൻവർ ഉൽഘാടനം ചെയ്തു. പി. ടി.എ പ്രസിഡൻ്റ് കെ.കെ വിനോദൻ അധ്യക്ഷത വഹിച്ചു. സ്കൂൾ പ്രിൻസിപ്പാൾ കെ. സപ്ന സ്വാഗതം പറഞ്ഞു. കലോത്സവത്തിൽ വിജയികളായ കുട്ടികൾക്ക് കണ്ണൂർ നോർത്ത് എ.ഇ.ഒ പ്രസന്നകുമാരി ഒ.സി ട്രോഫികൾ വിതരണം ചെയ്തു.
കണ്ണൂർ ആർ. ഡി.ഡി. മണികണ്ഠൻ കെ.ആർ , എച്ച്.എസ്.എസ് ഫോറം കൺവീനർ സുധാബിന്ദു, എസ്.എം.സി ചെയർ പേഴ്സൺ റസിയ, പി.ടി.എ വൈസ് പ്രസിഡൻ്റ് സാജിദ് പി.എം, എച്ച്.എം. ഫോറം സെക്രട്ടറി സുബൈർ, രാഘവൻ മാസറ്റർ, ഹബീബ് .എം, രജിത്ത് കുളവയൽ, രാംജിത്ത് കെ.എം എന്നിവർ സംസാരിച്ചു. തുടർന് കലോത്സവത്തിന് സാമ്പത്തിക സഹായം നേടിയെടുക്കുന്നതിനു വേണ്ടി സംഘടിപ്പിച്ച കൂപ്പൺ മത്സരത്തിൻ്റെ നറുക്കെടുപ്പ് എ.ഇ.ഒ പ്രസന്നകുമാരി ഒ.സി ഉദ്ഘാടനം ചെയ്തു. നറുക്കെടുപ്പിൻ്റെ ഭാഗമായി സ്വർണനാണയം, സ്മാർട്ട് ടി.വി എന്നിവ ഉൾപ്പടെ പതിനഞ്ചോളം സമ്മാനങ്ങൾ വിതരണം ചെയ്തു.
ഗ്രീൻ പ്രോട്ടോക്കോൾ പാലിച്ചു കൊണ്ട് നടത്തിയ കലോത്സവത്തിൽ വല്ലം നിർമ്മാണം മത്സരം നടത്തിയിരുന്നു. നിർമ്മിച്ച കൊട്ടകൾ മാലിന്യശേഖരണത്തിന് ഉപയോഗിച്ചു. മത്സരത്തിൽ വിജയികളായവർക്ക് എച്ച്.എം ഫോറം സെക്രട്ടറി സുബൈർ മാസ്റ്റർ സമ്മാനങ്ങൾ വിതരണം ചെയ്തു. ഉദ്ഘാടന ദിവസം സ്വാഗതഗാനം ആലപിച്ച ഗായക സംഘത്തെ സമാപന സമ്മേളനത്തിൽ ആദരിച്ചു.
