മട്ടന്നൂർ :- കണ്ണൂർ വിമാനത്താവളത്തിൽ നിന്ന് എയർ ഇന്ത്യ എക്സ്പ്രസ് കൂടുതൽ ആഭ്യന്തര സർവീസുകൾ തുടങ്ങുന്നു. തിരുവനന്തപുരത്തേക്ക് എട്ടുമുതൽ സർവീസ് തുടങ്ങും. ബുധൻ, ശനി ദിവസങ്ങളിലാണ് സർവീസ്. വൈകിട്ട് ആറിന് കണ്ണൂരിൽ നിന്ന് പുറപ്പെട്ട് ഏഴിന് തിരുവനന്തപുരത്തെത്തും.
7.30-ന് തിരികെ പുറപ്പെട്ട് 8.30-ന് കണ്ണൂരിൽ എത്തിച്ചേരും. ഇൻഡിഗോ കണ്ണൂർ - തിരുവനന്തപുരം സെക്ടറിൽ പ്രതിദിന സർവീസ് നടത്തുന്നുണ്ട്. സെക്ടറുകളിലേക്കും എയർ ഇന്ത്യ എക്സ്പ്രസ് ശൈത്യകാല ഷെഡ്യൂളിൽ സർവീസുകൾ പ്രഖ്യാപിച്ചു. എയർ ഏഷ്യയുമായി ലയനം പൂർത്തിയായതോടെയാണ് എയർ ഇന്ത്യ എക്സ്പ്രസ് കണ്ണൂരിൽ നിന്നുൾപ്പെടെ പുതിയ സർവീസുകൾ തുടങ്ങുന്നത്.
