കണ്ണൂർ :- കണ്ണൂർ കോർപ്പറേഷൻ ഡെപ്യൂട്ടി മേയർ സ്ഥാനത്തേക്ക് പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ പി.ഇന്ദിരയെ കണ്ണൂർ കോർപറേഷൻ കോൺഗ്രസ് പാർലമെൻറ് പാർട്ടി യോഗം തീരുമാനിച്ചതായി ഡിസിസി പ്രസിഡണ്ട് അഡ്വ.മാർട്ടിൻ ജോർജ്ജ് അറിയിച്ചു. ഒഴിവ് വരുന്ന പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ സ്ഥാനത്തേക്ക് ശ്രീലത വി.കെ യെയും കോൺഗ്രസ് പാർലമെൻറ് പാർട്ടി നിശ്ചയിച്ചു.
യോഗത്തിൽ പാർലമെന്ററി പാർട്ടി ലീഡർ അഡ്വ.ടി.ഒ മോഹനൻ അധ്യക്ഷത വഹിച്ചു. ഡിസിസി പ്രസിഡണ്ട് അഡ്വ.മാർട്ടിൻ ജോർജ്ജ്,കെ പ്രമോദ്, സുരേഷ് ബാബു എളയാവൂർ, കൂക്കിരി രാജേഷ് , എം.പി രാജേഷ് ,പി.ഇന്ദിര, ഷാഹിന മൊയ്തീൻ, ശ്രീലത വി.കെ, മിനി അനിൽകുമാർ തുടങ്ങിയവർ സംസാരിച്ചു.
