കമ്പിൽ :- കൊളച്ചേരി നാടക സംഘത്തിന്റെ നാലാമത് നാടകം കെ. ദാമോദരന്റെ "പാട്ടബാക്കി" റിഹേഴ്സ്യൽ ക്യാമ്പ് എം.കെ മനോഹരൻ ഉദ്ഘാടനം ചെയ്തു. ഹരിദാസ് ചെറുകുന്ന് അധ്യക്ഷത വഹിച്ചു. പാട്ടബാക്കി നാടകം പുന:രാവിഷ്കാരിക്കുകയാണ് കൊളച്ചേരി നാടക സംഘം . പുഷ്പജൻ പാപ്പിനിശേരി , എം.പി രാമകൃഷ്ണൻ എന്നിവർ സംസാരിച്ചു. ശ്രീധരൻ സംഘമിത്ര സ്വാഗതവും വത്സൻ കൊളച്ചേരി നന്ദിയും പറഞ്ഞു.
കേരളത്തിലെ ആദ്യ രാഷ്ട്രീയ നാടകമാണ് പാട്ടബാക്കി. മാർകിസ്റ്റ് ദാർശിനികൻ കെ. ദാമോദരൻ ഇ എം എസ് നമ്പൂതിരിപ്പാടിന്റെ നിർബന്ധത്തിന് വഴങ്ങി 1937 ൽ എഴുതിയ നാടകമാണ് പാട്ടബാക്കി. പൊന്നാനി താലൂക്ക് കർഷ സംഘം സമ്മേളനത്തിന് വേണ്ടിയാണ് നാടകം എഴുതിയത്. ഇഎംഎസ് ഏകെജി തുടങ്ങിയ നേതാക്കൾ നാടകത്തിൽ അഭിനയിച്ചു.
