കേന്ദ്രത്തിന്റെ ഭാരത് അരി ; കിലോഗ്രാമിന് 29 രൂപ

ന്യൂഡൽഹി :- വിലക്കയറ്റത്തിൽനിന്ന് സാധാരണക്കാരെ രക്ഷിക്കുക എന്ന ലക്ഷ്യത്തോടെ 'ഭാരത് അരി' ബ്രാൻഡുമായി കേന്ദ്രസർക്കാർ. കിലോഗ്രാമിന് 29 രൂപ നിരക്കിൽ 5, 10 കിലോഗ്രാം പാക്കറ്റുകളിലായിരിക്കും അരി ലഭിക്കുയെന്ന് ഭക്ഷ്യ-ഉപഭോക്തൃകാര്യ മന്ത്രി പിയൂഷ് ഗോയൽ അറിയിച്ചു

അടുത്തയാഴ്ച വിപണിയിലെത്തിക്കും.. ആദ്യഘട്ടത്തിൽ ചില്ലറവിപണി വില്പനയ്ക്കായി അഞ്ചുലക്ഷം ടൺ അരിയാണ് കേന്ദ്രം അനുവദിച്ചത്. നാഫെഡ്, നാഷണൽ കോഓപ്പറേറ്റീവ് കൺസ്യൂമേഴ്സ് ഫെഡറേഷൻ, കേന്ദ്രീയ ഭണ്ഡാർ തുടങ്ങിയ സംവിധാനങ്ങളിലൂടെയാകും അരി പൊതുവിപണിയിലേക്കെത്തുക.