ദേശീയപാത 66 ; കാസർഗോഡ് മുതൽ തിരുവനന്തപുരം വരെ 11 ടോൾ കേന്ദ്രങ്ങളും

കാസർഗോഡ് :- കാസർഗോഡ് തലപ്പാടി മുതൽ തിരുവനന്തപുരം കാരോടു വരെ 645 കിലോമീറ്റർ നീളത്തിൽ ദേശീയപാത 66-ൻ്റെ നിർമാണം പൂർത്തിയാകുന്നതോടൊപ്പം 11 ഇടത്ത് പുതിയ ടോൾ കേന്ദ്രങ്ങളും വരുന്നു. തിരുവനന്തപുരം, കൊല്ലം ജില്ലകളിൽ രണ്ടുവീതവും ആലപ്പുഴ, എറണാകുളം, തൃശ്ശൂർ, മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിൽ ഒരോ കേന്ദ്രങ്ങളുമാണ് ഉണ്ടാവുക.

2008-ലെ 'ദേശീയപാതകളിൽ ചുങ്കം പിരിക്കാനുള്ള നിയമം'അടിസ്ഥാനമാക്കിയാണ് ടോൾ നിരക്കുകൾ നിശ്ചയിക്കുക. ഇതുപ്രകാരം കാറിൽ ഒരു കിലോമീറ്റർ സഞ്ചരിക്കാൻ 65 പൈസയാണ് നൽകേണ്ടത്. ചെറിയ ചരക്കുവാഹനങ്ങൾ, മിനി ബസുകൾ തുടങ്ങിയവയ്ക്ക് 1.05 രൂപയും ബസുകൾക്കും ട്രക്കുകൾക്കും 2.20 രൂപയും മൾട്ടി ആക്സിൽ വാഹനങ്ങൾക്ക് 3.45 രൂപയുമാണ് നിരക്കുകൾ. ഇരുചക്ര, മുച്ചക്ര വാഹനങ്ങൾക്ക് ചുങ്കം ബാധകമല്ല.