മാണിയൂർ :- മാണിയൂർ സെൻട്രൽ എ.എൽ.പി സ്കൂൾ പഠനോത്സവവും എൻ്റോവ്മെന്റ് വിതരണവും നടന്നു. കുറ്റ്യാട്ടൂർ ഗ്രാമപഞ്ചായത്ത് പ്രസിഡൻ്റ് പി.പി റജി പരിപാടി ഉദ്ഘാടനം ചെയ്തു. തളിപ്പറമ്പ് സൗത്ത് BPC ഗോവിന്ദൻ ഏടാടത്തിൽ എൻ്റോവ്മെന്റ് വിതരണം നടത്തി. പി ടി എ പ്രസിഡൻ്റ് ഒ.പ്രവീൺ അധ്യക്ഷത വഹിച്ചു. ഹെഡ്മിസ്ട്രസ് കെ.സി ഷംന റിപ്പോർട്ട് അവതരിപ്പിച്ചു.
ഒന്നു മുതൽ അഞ്ച് വരെയുള്ള ക്ലാസുകാർ ഒരുക്കിയ വിവിധ സ്റ്റാളുകൾ ഏറെ മികവുറ്റതായിരുന്നു. 'പഴമയിലേക്ക്' എന്ന പേരിൽ നടത്തിയ പഴയകാല ഉപകരണങ്ങളുടെ പ്രദർശനം കുട്ടികളിലും രക്ഷിതാക്കളിലും നാട്ടുകാരിലും ഏറെ കൗതുകമുണർത്തി. നൂറ്റാണ്ടുകൾ പഴക്കമുള്ള താളിയോല ,ആട്ടമ്മി , കല്ലുമെതി , പത്തായം , ചെല്ലപ്പെട്ടി, വരിയ, മരക്കൈൽ, ഇസ്തിരിപ്പെട്ടി തുടങ്ങി നിരവധി സാധനങ്ങൾ പ്രദർശനത്തിനായി ഒരുക്കിയിരുന്നു
സ്റ്റാഫ് സെക്രട്ടറി എം.അഷ്റഫ് മാസ്റ്റർ, സ്കൂൾ വിദ്യാർഥികളായ ആദ്രയ, നക്ഷത്ര തുടങ്ങിയവർ ആശംസയർപ്പിച്ച് സംസാരിച്ചു. നിയ പ്രിയേഷ് സ്വാഗതവും നവാർ ഹബീബ നന്ദിയും പറഞ്ഞു.
