.jpg)
കൊട്ടിയൂർ :- അക്കരെ കൊട്ടിയൂരിൽ ഭക്തജനത്തിരക്കേറുന്നു. ഞായറാഴ്ച പുലർച്ചെ മുതൽ വൻ ഭക്തജനത്തിരക്കാണ് അനുഭവപ്പെട്ടത്. മണിത്തറയിൽ താത്കാലിക ശ്രീകോവിലിന്റെ നിർമാണം പൂർത്തിയായി. ബ്രാഹ്മണസ്ഥാനികരുടെ നേതൃത്വത്തിലാണ് ശ്രീകോവിൽ നിർമിച്ചത്. ബുധനാഴ്ച ഇളന്നീർവെപ്പും തിരുവോണം ആരാധനയും നടക്കും. വ്യാഴാഴ്ചയാണ് ഇളന്നീരാട്ടവും അഷ്ടമി ആരാധനയും നടക്കുക. ഗുജറാത്ത് ഹൈക്കോടതി ജഡ്ജി നിഖിൽ.എസ് കരിയിലും കുടുംബവും അക്കരെ കൊട്ടിയൂരിൽ ദർശനം നടത്തി.
ഭക്തരുടെ സൗകര്യാർഥം അക്കരെ കൊട്ടിയൂരിൽ പ്രത്യേക പ്രസാദ കിറ്റ് വിതരണം ആരംഭിച്ചു. ജസ്റ്റിസ് നിഖിൽ.എസ് കരിയിൽ ഉദ്ഘാടനം ചെയ്തു. അക്കരെ കൊട്ടിയൂരിൽ ആരോഗ്യവകുപ്പ് ഡോക്ടറുടെ സേവനം ലഭ്യമാക്കിയിട്ടുണ്ട്. രണ്ട് നെയ്പ്പായസം, രണ്ട് അപ്പം, കളഭം, ആടിയ നെയ്, ആയിരം കുടം തീർഥം തുടങ്ങിയവ അടങ്ങിയ കിറ്റിന് 500 രൂപയാണ് വില. 10 നെയ്‌പായസം അടങ്ങിയ കിറ്റിന് 800 രൂപയുമാണ് വില.
