മയ്യിൽ :- കെ.കെ കുഞ്ഞനന്തൻ നമ്പ്യാർ സ്മാരക പബ്ലിക്ക് ലൈബ്രറി & സി.ആർ.സി വനിതാ വേദിയുടെ ആഭിമുഖ്യത്തിൽ വനിതകൾക്കായുള്ള ചലച്ചിത്ര ഗാനാലാപന മത്സരവും ഈ വർഷത്തെ ഓലപ്പീപ്പി അവാർഡ് ജേതാവും നാടൻ പാട്ട് ഗായികയുമായ കുമാരി വൈഖരി സാവനുള്ള (പൊന്നാമ്പല) അനുമോദനവും നടന്നു.
മയ്യിൽ സി.ആർ.സി ഹാളിൽ നടന്ന ചടങ്ങ് കവി ടി.പി നിഷ ടീച്ചർ ഉദ്ഘാടനം ചെയ്തു. വനിതാ വേദി പ്രസിഡണ്ട് യശോദ ടീച്ചർ അദ്ധ്യക്ഷത വഹിച്ചു. കുട്ടികൾക്കും മുതിർന്നവർക്കുമായി നടത്തിയ മത്സരത്തിൽ വിജയിച്ചവർക്ക് സ്ഥാനക്കാർക്ക് ക്യാഷ് പ്രൈസും മൊമെൻ്റോയും നൽകി. സിനിമാ നടനും ഗായകനുമായ നാദം മുരളി സമ്മാനദാനം നിർവഹിച്ചു. കൺവീനർ സീന ഗിരീഷ് സ്വാഗതവും സജിത നന്ദിയും പറഞ്ഞു.
