കണ്ണൂർ അസിസ്റ്റൻ്റ് കലക്ടറായി ഗ്രന്ഥേ സായികൃഷ്ണ ചുമതലയേറ്റു. 2023 ഐ എ എസ് ബാച്ചിലുള്ള ഗ്രന്ഥേ സായികൃഷ്ണ തെലുങ്കാന സ്വദേശിയാണ്.
കാലിക്കറ്റ് നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ നിന്നും മെക്കാനിക്കൽ എഞ്ചിനീയറിങ്ങിൽ ബി. ടെക് നേടിയിട്ടുണ്ട്. അതിനു ശേഷം രണ്ടു വര്ഷം ടൂൾ ഡിസൈൻ എഞ്ചിനീയറായി ( L&T - ISCAR India Limited) ജോലി നോക്കിയിട്ടുണ്ട്.
പുതിയ അസിസ്റ്റൻ്റ് കലക്ടറെ ജില്ലാ കലക്ടർ അരുൺ കെ വിജയൻ ചേംബറിൽ സ്വീകരിച്ചു. എ ഡി എം കെ നവീൻ ബാബു കലക്ടറേറ്റിലെ വിവിധ ഉദ്യോഗസ്ഥർ തുടങ്ങിയവർ സംബന്ധിച്ചു.
