പരിയാരം :- ഓൺലൈൻ തട്ടിപ്പിലൂടെ യുവാവിൻ്റെ 17 ലക്ഷം രൂപ നഷ്‌ടപ്പെട്ടു. ഡിസ്കൗണ്ട് റേറ്റിൽ ഷെയർ അനുവദിക്കുമെന്നു വിശ്വസിപ്പിച്ചു കടന്നപ്പള്ളി സ്വദേശി കടന്നപ്പള്ളി ചെറുവിച്ചേരിയിലെ പുതിയവീട്ടിൽ പി.വി സന്തോഷ് കുമാറി(43) ന്റെ പണമാണ് തട്ടിയെടുത്തത്. പ്രഫസർ റോബർട്ട് പ്രോഫിറ്റ് 619 എന്ന വാട്സാപ് ഗ്രൂപ്പിന്റെ അഡ്മിൻമാരായ ദിയ, ലോകേഷ് പാട്ടീൽ എന്നിവരുടെ പേരിലാണ് പരിയാരം പോലീസ് കേസെടുത്തത്.
2024 മെയ് 25 മുതൽ ജൂൺ 14 വരെയുള്ള കാലത്താണ് ഇവർ നിർദേശിച്ച വിവിധ അക്കൗണ്ടുകളിലേക്ക് സന്തോഷ്കുമാർ 17,06,000 രൂപ നിക്ഷേപിച്ചത്. ഇവ ലിങ്ക് വഴിയാണ് അക്കൗണ്ട് തുറന്ന് പണം നിക്ഷേപിച്ചത്. പ്രതികൾ പിന്നീട് ഈ ട്രേഡിങ് അക്കൗണ്ട് മരവിപ്പിക്കുകയും ഷെയർ വാങ്ങാനായി അയച്ചുകൊടുത്ത പണത്തിന് അനുസരിച്ച് ഷെയർ നൽകുകയോ പണം തിരിച്ചു കൊടുക്കുകയോ ചെയ്‌തില്ലെന്നാണ് പരാതി.
