ന്യൂഡൽഹി :- കഴിഞ്ഞ 5 വർഷത്തിനിടെ കേരളത്തിൽ 486 പേർ വന്യമൃഗങ്ങളുടെ ആക്രമണത്തിൽ കൊല്ലപ്പെട്ടതായി വനം പരിസ്ഥിതി മന്ത്രാലയം അറിയിച്ചു. രാജ്യസഭയിൽ വി.ശിവദാസൻ, ഹാരിസ് ബീരാൻ എന്നിവരുടെ ചോദ്യത്തിനുള്ള മറു പടിയിലാണു മന്ത്രി ഭൂപേന്ദർ യാദവിന്റെ പ്രതികരണം. 486 ൽ 124 പേരും കാട്ടാനയുടെ ആക്രമത്തിലാണ് മരിച്ചത്. കടുവയുടെ ആക്രമണത്തിൽ 6 പേർ മരിച്ചു. വന്യജീവികളും മനുഷ്യരും തമ്മിലുള്ള സംഘർഷം കുറയ്ക്കുന്നതിൻ്റെ പ്രാഥമിക ഉത്തരവാദിത്തം സംസ്‌ഥാനങ്ങൾക്കാണന്ന് പറഞ്ഞ മന്ത്രി ഇക്കാര്യത്തിൽ കേന്ദ്ര സർക്കാരുകൾ കൈക്കൊള്ളുന്ന നടപടികളും വിശദീകരിച്ചു.
