മയ്യിൽ :- കളഞ്ഞുകിട്ടിയ പണമടങ്ങിയ പേഴ്സ് ഉടമസ്ഥന് തിരികെ നൽകി മാതൃകയായ കവിളിയോട്ടുചാലിലെ സാനന്തിനെ യങ് സ്റ്റാർ സ്പോർട്സ് ക്ലബ് കവിളിയോട്ടുചാലിൻ്റെ നേതൃത്വത്തിൽ അനുമോദിച്ചു. ഇക്കഴിഞ്ഞ ഞായറാഴ്ച പുലർച്ചെ 5 മണിക്കാണ് മയ്യിൽ ബസ് സ്റ്റാൻഡ് പരിസരത്ത് നിന്ന് കണ്ണാടിപ്പറമ്പ് സ്വദേശിനിയുടെ 5000 രൂപയും എടിഎം കാർഡും ലൈസൻസും ഉള്ള ഒരു പേഴ്സ് പത്ര വിതരണക്കാരനായ സാനന്തിന് കളഞ്ഞു കിട്ടിയത്.
മയ്യിൽ പോലീസ് സ്റ്റേഷനിൽ നൽകിയ പേഴ്സ് പിന്നീട് ഉടമ എത്തി വാങ്ങിച്ചു. സാനന്തിൻ്റെ വീട്ടിൽ നടന്ന പരിപാടിയിൽ ക്ലബ് സെക്രട്ടറി ബാബു പണ്ണേരിയുടെ നേതൃത്വത്തിൽ അനുമോദനം നൽകി. പരിപാടിയിൽ ക്ലബ് പ്രസിഡൻ്റ് കെ.സജിത്ത് അധ്യക്ഷത വഹിച്ചു. കെ.പി മനോഹരൻ, ഷൈജു ടി.പി,ബിനോജ് കെ.വി അഭിശാന്ത്, മിഥുൻ എന്നിവർ സംസാരിച്ചു. കെപി രാജീവൻ സ്വാഗതവും ട്രഷറർ സി.കെ ജിതേഷ് നന്ദിയും പറഞ്ഞു .
