കണ്ണൂർ :- വയനാട് ജില്ലയിലെ മുണ്ടക്കൈ, ചൂരൽമല എന്നീ പ്രദേശങ്ങളിൽ ഉരുളപൊട്ടലുമായി ബന്ധപ്പെട്ട് ദുരന്തബാധിതർക്ക് വേണ്ടിയുള്ള സഹായമായി അവശ്യ ഭക്ഷ്യവസ്തുക്കളുടെ വിതരണം താത്കാലികമായി നിർത്തിവെച്ചതായി വയനാട് ജില്ലാ കളക്ടർ അറിയിച്ചു.
നിലവിൽ ആവശ്യത്തിനുള്ള ഭക്ഷ്യവസ്തുക്കൾ കളക്ഷൻ സെന്ററിൽ സംഭരിച്ചുവെച്ചിട്ടുള്ളതിനാൽ ഇനി ഒരു അറിയിപ്പ് ഉണ്ടാകുന്നത് വരെ ഭക്ഷ്യ/മറ്റു വസ്തുക്കൾ സ്വീകരിക്കുന്നത് നിർത്തിവെച്ചിട്ടുണ്ടെന്നും കളക്ടർ അറിയിച്ചു. അവശ്യ ഭക്ഷ്യവസ്തുക്കളുടെ സ്ഥിരമായ വിതരണം ഉറപ്പാക്കുന്നതിന് സമയബന്ധിതമായി സഹായം നൽകിയതിന് പൊതുജനങ്ങളോടും സന്നദ്ധ സംഘടനകളോടും കളക്ടർ നന്ദി രേഖപ്പെടുത്തി.
