കണ്ണൂർ :- ഷാജിമോൻ അതിയടത്തിന്റെ "സുബോധ ജീവിതത്തിന്റെ നാൾവഴികൾ " എന്ന കവിതാ സമാഹാരം പ്രകാശനം ചെയ്തു. കണ്ണൂർ ജവഹർ ലൈബ്രറി ഹാളിൽ നടന്ന പരിപാടി കഥാകാരൻ എം.മുകുന്ദൻ ഉദ്ഘാടനം ചെയ്തു. പ്രശസ്ത കവിയും ഗാനരചയിതാവുമായിരുന്ന വയലാർ രാമവർമ്മയുടെ മകനും ഗാനരചയിതാവുമായ വയലാർ ശരത്ചന്ദ്രവർമ്മ പുസ്തക പ്രകാശനം നിർവഹിച്ചു.
കേരള സംസ്ഥാന മുന്നോക്ക ക്ഷേമ കോർപ്പറേഷൻ ഡയരക്ടർ കെ.സി സോമൻ നമ്പ്യാർ പുസ്തകം ഏറ്റുവാങ്ങി. തിരക്കഥാകൃത്തും കവിയുമായ സുധാംശു, നടി കണ്ണൂർ ശ്രീലത, സീരിയൽ സിനിമാ ആർട്ടിസ്റ്റ് സുമിത്രാ രാജൻ, ഷാജിമോൻ അതിയടം തുടങ്ങിയവർ പങ്കെടുത്തു.
