ചേലേരി :- പ്രമുഖ കോൺഗ്രസ്സ് നേതാവും സാമൂഹ്യ പ്രവർത്തകനുമായിരുന്ന എം.എൻ ചേലേരിയുടെയും കണ്ണൂർ ജില്ലാ കോൺഗ്രസ് കമ്മറ്റി പ്രസിഡണ്ടായിരുന്ന പി.രാമകൃഷ്ണൻ്റെയും ചരമ വാർഷികത്തിൽ ചേലേരി മുഹമ്മദ് അബ്ദുറഹിമാൻ സ്മാരക വായനശാല & ഗ്രന്ഥാലയത്തിൻ്റെ ആഭിമുഖ്യത്തിൽ പുഷ്പാർച്ചനയും അനുസ്മരണ യോഗവും നടത്തി.
ഗ്രന്ഥാലയം പ്രസിഡന്റ് സി.കെ ജനാർദ്ദനൻ നമ്പ്യാർ അധ്യക്ഷത വഹിച്ചു. കണ്ണൂർ ജില്ലാ കോൺഗ്രസ് കമ്മിറ്റി നിർവ്വാഹക സമിതി അംഗം കെ.എം ശിവദാസൻ അനുസ്മരണ പ്രഭാഷണം നടത്തി. ഭാരതീയ ദളിത് കോൺഗ്രസ്സ് സംസ്ഥാന ജനറൽ സെക്രട്ടറി ദാമോദരൻ കൊയിലേരിയൽ, ചേലേരി മണ്ഡലം കോൺഗ്രസ് കമ്മറ്റി പ്രസിഡണ്ട് എം.കെ സുകുമാരൻ, പി.കെ രഘുനാഥൻ, എൻ.വി പ്രേമാനന്ദൻ, കെ.ഭാസ്കരൻ എന്നിവർ സംസാരിച്ചു.
