പള്ളിപ്പറമ്പ്:- സമസ്‌ത കണ്ണൂർ ജില്ലാ സെക്രട്ടറി കെ എം അബ്ദുല്ല കുട്ടി ബാഖവി കൊട്ടപ്പൊയിൽ നിര്യാതനായി
കണ്ണൂർ : ജില്ലയിലെ സുന്നി സംഘടന നേതൃ രംഗത്തെ നിറ സാന്നിധ്യമായിരുന്ന കെ എം അബ്ദുല്ല കുട്ടി ബാഖവി മഖ്ദൂമി (50) അന്തരിച്ചു.
കേരളാ മുസ്‌ലിം ജമാഅത്ത് കണ്ണൂർ ജില്ലാ സെക്രട്ടേറിയേറ്റ് അംഗം, കൊട്ടപ്പൊയിൽ മഹല്ല്‌ പ്രസിഡന്റ്‌, അൽ അബ്റാർ വൈസ് പ്രസിഡന്റ്‌, കാസർഗോഡ് ജാമിഅഃ സഅദിയ അൽ മഖർ എക്സിക്യൂട്ടീവ് അംഗവുമായിരുന്നു.
കണ്ണൂർ കാൽടെക്സ് ജംഗ് ഷനിലെ അബ്റാർ ജുമാ മസ്ജിദ് ഖത്തീബായി സേവനം ചെയ്തിരുന്നു.
കണ്ണൂർ കാംമ്പസാർ ജുമാ മസ്ജിദ്, ചൊവ്വ ജുമാ മസ്ജിദ്, കൊല്ലത്തിറക്കൽ ജുമാ മസ്ജിദ് എന്നിവിടങ്ങളിൽ മുദരിസായും സേവനം ചെയ്തിട്ടുണ്ട്.
ഭാര്യ :കൂത്തു പറമ്പ് സ്വദേശി മറിയം. മക്കൾ : അദ്നാൻ, ഫാത്തിമ, നാജിയ, മുഹമ്മദ്
12 മണിക്ക് കൊട്ടപ്പൊയിൽ ജുമാ മസ്ജിദിൽ മയ്യിത്ത് നിസ്കാരം നടക്കും. തുടർന്ന് പാലത്തുങ്കര കാലടി ജുമാ മസ്ജിദ് ഖബർസ്ഥാനിൽ ഖബറടക്കം നടക്കും
