പയ്യന്നൂർ :- കണ്ണൂർ റവന്യൂ ജില്ല സ്‌കൂൾ കലോത്സവം നവംബർ 19 മുതൽ 23 വരെ പയ്യന്നൂരിൽ നടക്കും. പയ്യന്നൂർ എ കെ കൃഷ്‌ണൻ മാസ്‌റ്റർ ഓഡിറ്റോറിയത്തിൽ സംഘാടക സമിതി രൂപീകരണ യോഗം ടി ഐ മധുസൂദനൻ എംഎൽഎ ഉദ്ഘാടനം ചെയ്‌തു. നഗരസഭ വൈസ് ചെയർമാൻ പി വി കുഞ്ഞപ്പൻ അധ്യക്ഷനായി.
ചെറുപുഴ പഞ്ചായത്ത് പ്രസിഡന്റ് കെ എഫ് അലക്‌സാണ്ടർ, നഗരസഭ വിദ്യാഭ്യാസ സ്ഥിരം സമിതി അധ്യക്ഷ ടി പി സമീറ, കൗൺസിലർമാരായ മണിയറ ചന്ദ്രൻ, കെ കെ ഫൽഗുനൻ, പയ്യന്നൂർ തഹസിൽദാർ പി മനോഹരൻ, കെ സുധീർ, എഇഒ ജ്യോതിബസു, പയ്യന്നൂർ ജിവൈഎസ്‌പി കെ വിനോദ്കുമാർ, ഇ സി വിനോദ്, സുരേന്ദ്രൻ അടുത്തില, പ്രിൻസിപ്പൽ ഫോറം സെക്രട്ടറി ദാമോദരൻ, ഡിഡിഇ ബാബു മഹേശ്വര പ്രസാദ്, ഡിഇഒ ഇൻചാർജ് മനോജ് എന്നിവർ സംസാരിച്ചു. ഭാരവാഹികൾ : ടി ഐ മധുസൂദനൻ എംഎൽഎ (ചെയർമാൻ), ബാബു മഹേശ്വരി പ്രസാദ് (ജനറൽ കൺവീനർ).
