തിരുവനന്തപുരം :- സംസ്ഥാനത്ത് ഇന്നും പരക്കെ മഴയ്ക്കു സാധ്യത. മലപ്പുറം, കണ്ണൂർ ജില്ലകളിൽ അതിശക്‌തമായ മഴയാണു പ്രതീക്ഷിക്കുന്നത്. ഇവിടെ ഓറഞ്ച് അലർട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, കോഴിക്കോട്, വയനാട്, കാസർകോട് ജില്ലകളിൽ യെലോ അലർട്ട് ആണ്.
ചിലയിടങ്ങളിൽ ഇടിയോടു കൂടിയ മഴ ലഭിക്കും. 40 കിലോമീറ്ററിനു താഴെ വേഗത്തിലുള്ള കാറ്റിനും സാധ്യതയുണ്ട്. കേരളം, കർണാടക തീരത്ത് ശക്‌തമായ കാറ്റിനും ഉയർന്ന തിരയ്ക്കും കള്ളക്കടൽ പ്രതിഭാസത്തിനും സാധ്യതയുള്ളതിനാൽ 19 വരെ മത്സ്യബന്ധനത്തിന് വിലക്കുണ്ട്. തീരദേശവാസികൾ ജാഗ്രത പാലിക്കണം.
