ന്യൂഡൽഹി :- കഴിഞ്ഞ 10 വർഷത്തിനിടെ രാജ്യത്തു നടന്ന തൊഴിലാളിസമരങ്ങളുടെ എണ്ണത്തിൽ കേരളം മൂന്നാംസ്‌ഥാനത്ത്. തമിഴ്നാട്ടിലാണ് ഏറ്റവും അധികം തൊഴിലാളിസമരം നടന്നത്. രാജ്യത്താകമാനം നടന്ന 1439 തൊഴിൽ സമരങ്ങളിൽ 415 എണ്ണം തമിഴ്‌നാട്ടിലായിരുന്നു (28.8%). രണ്ടാം സ്‌ഥാനത്തുള്ള ഗുജറാത്തിൽ 217 സമരങ്ങൾ (15%) നടന്നു. 178 സമരങ്ങളാണു (12.3%) കേരളത്തിൽ നടന്നത്.
ഉത്തരാഖണ്ഡിലാണ് ഏറ്റവും കുറവ് സമരം നടന്നതെന്നും തൊഴിൽ മന്ത്രാലയം പുറത്തുവിട്ട കണക്കുകളിലുണ്ട്. വ്യവസായമേഖലയിലെ തൊഴിലാളി സമരങ്ങളുടെ മാത്രം കണക്കാണിത്. സമരം മൂലം ഏറ്റവും കൂടുതൽ തൊഴിൽദിനങ്ങൾ നഷ്ടപ്പെട്ടതു ബംഗാളിലാണ് (39.27%). തമിഴ്നാട് രണ്ടാമതും കേരളം അഞ്ചാമതുമാണ് (5.95%). സമരങ്ങൾ മൂലം ആകെ ഉൽപാദനത്തിന്റെ 1.68% കേരളത്തിനു നഷ്ടമായി.
