മാണിയൂർ :- ചെറുവത്തലമൊട്ട എ.കെ.ജി സ്മാരക വായനശാല & ഗ്രന്ഥാലയത്തിൽ വായന പന്തൽ ഉദ്ഘാടനവും തളിപ്പറമ്പ് സൗത്ത് സബ്ബ് ജില്ലാ കലോത്സവത്തിലും കേരളോത്സവത്തിലും വിജയികളായവർക്കുള്ള അനുമോദനവും ഉപഹാരസമർപ്പണവും കണ്ടമ്പേത്ത് നാരായണി അമ്മയുടെ സ്മരണയ്ക്ക് സംഭാവനയായി ലഭിച്ച സ്‌ട്രെച്ചർ ഏറ്റുവാങ്ങലും നടന്നു. കണ്ണൂർ ജില്ലാ ലൈബ്രറി കൗൺസിൽ സെക്രട്ടറി പി.കെ വിജയൻ ഉദ്ഘാടനം ചെയ്തു.
കുറ്റ്യാട്ടൂർ ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ പി.പ്രസീത അദ്ധ്യക്ഷത വഹിച്ചു. CPIM മാണിയൂർ ലോക്കൽ സെക്രട്ടറി പി.ദിവാകരൻ കെ.കുഞ്ഞിരാമൻ എന്നിവർ സംസാരിച്ചു. പി.സുനോജ് കുമാർ സ്വാഗതവും ബാബുരാജ് മാണുക്കര നന്ദിയും പറഞ്ഞു. കലാമത്സര വിജയികൾ വിവിധ കലാപരിപാടികൾ അവതരിപ്പിച്ചു.
