മലപ്പട്ടം :- ചൂളിയാട് എ.എൽ.പി സ്കൂൾ ശതാബ്ദി ആഘോഷത്തോടനുബന്ധിച്ച് പൂർവ്വാധ്യാപകരെ ആദരിക്കലും പൂർവ്വ വിദ്യാർത്ഥി സംഗമവും ജനുവരി 19 ഞായറാഴ്ച നടക്കും. രാവിലെ 10 മണിക്ക് കണ്ണൂർ ജില്ലാ പഞ്ചായത്ത് ആരോഗ്യ - വിദ്യാഭ്യാസ സ്റ്റാന്റിംഗ് കമ്മറ്റി ചെയർ പേഴ്സൺ എൻ.വി ശ്രീജിനി ഉദ്ഘാടനം ചെയ്യും. എം.വി ജനാർദ്ദനൻ മാസ്റ്റർ മുഖ്യ പ്രഭാഷണം നടത്തും.
തുടർന്ന് പൂർവ്വ വിദ്യാർത്ഥികളുടെ കലാപരിപാടികൾ അരങ്ങേറും. കഴിഞ്ഞ ഒക്ടോബറിൽ വിദ്യാഭ്യാസ വകുപ്പ് മന്ത്രി വി.ശിവൻകുട്ടി ഉദ്ഘാടനം ചെയ്ത ശതാബ്ദി ആഘോഷം വിവിധ പരിപാടികൾക്ക് ശേഷം മെയ് മാസത്തോടെ സമാപിക്കും. ഇരുനില ശതാബ്ദി സ്മാരക കെട്ടിടവും ഉദ്ഘാടനത്തിനായി ഒരുങ്ങുന്നുണ്ട്.
