ചെങ്ങളായി :- ചെങ്ങളായി ഗ്രാമപഞ്ചായത്തിന്റെ 2025 - 26 വർഷത്തെ പദ്ധതി രൂപീകരണത്തിന്റെ ഭാഗമായി വികസന സെമിനാർ അവതരിപ്പിച്ചു. വാർഷിക പദ്ധതിയുമായി ബന്ധപ്പെട്ട് 18 വാർഡിലെയും ഗ്രാമസഭകൾ ചേർന്ന് ഗ്രാമസഭാ നിർദേശങ്ങൾ വർക്കിംഗ് ഗ്രൂപ്പ് ചർച്ച ചെയ്ത് ക്രോഡീകരിച്ച് വികസന സെമിനാറിൽ അവതരിപ്പിച്ചാണ് പദ്ധതി ആസൂത്രണപ്രക്രിയ പൂർത്തിയായത്.
ഗ്രാമപഞ്ചായത്ത് വൈസ് പ്രസിഡണ്ട് കെ.എം ശോഭന ടീച്ചറുടെ അധ്യക്ഷതയിൽ പ്രസിഡണ്ട് വി.പി മോഹനൻ ഉദ്ഘാടനം ചെയ്തു. പദ്ധതിയെകുറിച്ചുള്ള കാഴ്ചപ്പാടും വികസന കാഴ്ചപ്പാടും ആസൂത്രണ സമിതി ഉപാധ്യക്ഷൻ കെ.കെ രവി മാഷ് അവതരിപ്പിച്ചു. വികസന കാര്യസ്റ്റാൻഡിങ് കമ്മിറ്റി ചെയർമാൻ എ.ജനാർദ്ദനൻ പദ്ധതി അവതരിപ്പിച്ചു.
ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം.എം പ്രജോഷ് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ പി.വി രജിത തളിപ്പറമ്പ് ബ്ലോക്ക് പഞ്ചായത്ത് അംഗങ്ങളായ എൻ നാരായണൻ, കൊയ്യം ജനാർദ്ദനൻ, പി.പ്രകാശൻ, ടി.രാജ്കുമാർ, കെ.എം.പി മുഹമ്മദ് കുഞ്ഞി മാസ്റ്റർ, പി.കെ സതീശൻ, എം.വി ബിന്ദു എന്നിവർ ആശംസകളർപ്പിച്ചു. ഗ്രാമപഞ്ചായത്ത് സെക്രട്ടറി പി.മധു സ്വാഗതവും ഹെഡ്ക്ലാർക്ക് ശ്രീജിത്ത് പി.ആർ നന്ദിയും പറഞ്ഞു.
