ഷാർജ :- ഷാർജയിൽ ഗ്രാമോത്സവത്തിന്റെ പ്രതീതി ഉയർത്തി കൊണ്ട് യു.എ.ഇ പാട്ടയം മഹല്ല് കൂട്ടായ്മയുടെ ഏഴാം വാർഷികാഘോഷം ജൽസ സീസൺ 4 കായിക മത്സരങ്ങൾ സംഘടിപ്പിച്ചു. ഷാർജ സ്പോർട്ട്സ് സിറ്റിയിൽ മൂന്ന് ടീമുകളിലായി നടന്ന വാശിയേറിയ മത്സരത്തിൽ ടീം റൈഡേർസ് പാട്ടയം ഓവറോൾ ചാമ്പ്യന്മാരായി. ടീം ഫോക്ക് ബോയിസ് റണ്ണേർസ് അപ്പ് ട്രോഫി കരസ്ഥമാക്കി.
ആവേശം നിറഞ്ഞ മത്സരത്തിൽ ടീം റൈഡേർസ് പാട്ടയം ഫുട്ബോൾ വിന്നറും ടീം ലജന്റ് ബോയ്സ് ക്രിക്കറ്റ് ജേതാക്കളുമായി.ഷബീർ, അജീർ,അഫ്സൽ,മുനീർ എന്നിവർ ക്രിക്കറ്റ് മാൻ ഓഫ് ദി മാച്ചും, അഫ്സൽ.ബി പ്ലെയർ ഓഫ് ദി ടൂർണമെൻറ് അവാർഡും കരസ്ഥമാക്കി.അമീൻ,ഷുഐബ്,അഫ്സൽ സഫീർ, സുനീർ,റസൽ,ഫാറൂഖ് എന്നിവർ മികച്ച ഫുട്ബോളർ അവാർഡും, അമീൻ മാൻ ഓഫ് ദ ടൂർണമെന്റ് ട്രോഫിയും കരസ്ഥമാക്കി. ഷുഹൈബ്, അഫ്സൽ.ബി, അഫ്സൽ പാട്ടയം, അമീൻ, അർഷദ് എന്നിവർ വ്യക്തികത മത്സര വിജയികളായി.
കമ്പിൽ , കുമ്മായക്കടവ്, കൂട്ടായ്മകളിലെ നേതാക്കന്മാരും പ്രമുഖ വ്യക്തികളും സംഗമത്തിൽ പങ്കെടുത്തു. അബ്ദുൽ സത്താർ,നവാസ് സഅദി,അബ്ദുൽ ഗഫൂർ അസ്അദി,ഫാറൂഖ്, അബ്ദുൽ ജബ്ബാർ,അഹ്‌മദ്കമ്പിൽ, തുടങ്ങിയർ പ്രസംഗിച്ചു. ടീം സ്പോൺസർമാരും വിശിഷ്ട വ്യക്തികളും വിജയികൾക്കുള്ള സമ്മാനങ്ങൾ വിതരണം ചെയ്തു.
