.jpg)
ഗുരുവായൂർ :- ഗുരുവായൂർ ക്ഷേത്രത്തിൽ ഉത്സവകലശങ്ങളുടെ ഭാഗമായി ശനിയാഴ്ച തത്ത്വകലശം നടക്കും. ആയിരം കലശവും വിശേഷപ്പെട്ട ബ്രഹ്മകലശാഭിഷേകവും ഞായറാഴ്ചയാണ്. ഈ രണ്ടുദിവസങ്ങളിലും വെളുപ്പിന് നാലരമുതൽ രാവിലെ 11 വരെ നാലമ്പലത്തിലേക്ക് ഭക്തരെ പ്രവേശിപ്പിക്കില്ല.
മുതിർന്ന പൗരന്മാർക്കും തദ്ദേശീയർക്കും ദർശനത്തിനുള്ള പ്രത്യേക വരികളും രണ്ടുദിവസം ഉണ്ടാകില്ല. തത്ത്വകലശം നടക്കുന്നതിനാൽ ശനിയാഴ്ച രാവിലത്തെ ശീവേലി ഒരുമണിക്കൂർ നേരത്തേയാക്കും. ഉത്സവത്തിന്റെ ഭാഗമായി നടന്നുവരുന്ന എല്ലാ കലശങ്ങളുടെയും സമാപനമാണ് ഞായറാഴ്ചത്തെ ബ്രഹ്മകലശം.
